Cafe Pho 1975 (已結業)

油塘地鐵站一出就係大本型商場，今次就揀咗間越南餐廳試吓。一上扶手電梯就見到開放式嘅「Cafe Pho1975」。客人自己揀位坐，對住景觀開揚嘅大玻璃窗，坐得幾舒服。睇完餐牌食咩，就出去收銀處落單，然後有個數字牌等侍應送上食物。飲品方面我就叫咗黑糖薑母茶，我同朋友飲完都話「嘩！真係好夠薑」，薑味好重但唔辣喉，而且唔會太甜。朋友就叫咗手作黑糖珍珠奶茶，因為朋友唔飲凍野，但餐廳得凍選擇，服務員細心地遞上碗同匙羹俾佢盛開啲冰珍珠份量好多，煙韌適中，奶茶亦很滑。前菜叫咗芒果軟殼蟹米紙卷，包得好大舊，餡料有青瓜絲、粉絲、紅菜頭等，好足料包到實！而且芒果好甜，食落好清新，解膩滯略嫌軟殼蟹可以炸脆身d。另外仲叫咗一字雞翼，餐廳將雞翼切開一半再炸，方便客人食用，雞翼炸得好香脆，個人建議餐廳可以加配醬汁。最後叫咗泰妃雞飯share，雞皮夠薄，連皮食更滑溜，而且醃得夠入味，點埋旁邊嘅蔥油汁仲惹味！油飯撈得啱啱好，飯粒有光澤富有雞油香！而且份量夠多！我同朋友share啱啱好另外進食期間侍應都有問我地食物如何，而且見到我哋兩個人share會主動比碗，相當細心！相信餐廳不斷在改善服務質素有埋熱線比顧客反映意見。