影片
更多
2015-12-09
534 瀏覽
身為一個柴灣人，成日都覺得呢個地方無啖好食。呢一排，樂軒台就愈開愈多食店，當然包括呢個bb雞蛋仔啦！鋪頭細細由兩公婆打理，主打5同味雞蛋仔同雪糕格仔餅。我食過兩三次都係食格仔餅，原因？又平又抵食呀！朱古力大王格仔餅 （$18） 你無睇錯，呢個咁大舊嘅雪糕格仔餅只係18蚊。可能係柴灣啦，平時出街食類似嘅野都要三四十。個雪糕有一粒粒嘅朱古力碎，朱古力味都幾濃。個格仔餅熱辣辣，夾住啲雪糕又熱又凍咁都咪話5過癮 店主會好細心見你兩個人就會幫你一開二一人一半方便食，但我今次獨毒自私食，一個人食哂咁大件就當係lunch，超級飽！蜜糖芥末大魚蛋 （$10） 因為星期日好多人幫襯，我等嘅時候就叫咗個大魚蛋食。無錯，就係平時係長州食到嘅大魚蛋。大大粒有兩粒，有三種味揀，我就食咗蜜糖芥末。甜甜地又有啲攻鼻嘅感覺，魚蛋彈牙好味，買嚟過下口癮一流以前岩岩開5使點等，宜家比網上介紹過後，一到三四點就開始好多人，想食嘅就最好避開放學時間嚟喇，嘻！
鋪頭細細由兩公婆打理，主打5同味雞蛋仔同雪糕格仔餅。我食過兩三次都係食格仔餅，原因？又平又抵食呀！
朱古力大王格仔餅 （$18）
你無睇錯，呢個咁大舊嘅雪糕格仔餅只係18蚊。可能係柴灣啦，平時出街食類似嘅野都要三四十。個雪糕有一粒粒嘅朱古力碎，朱古力味都幾濃。個格仔餅熱辣辣，夾住啲雪糕又熱又凍咁都咪話5過癮
店主會好細心見你兩個人就會幫你一開二一人一半方便食，但我今次獨毒自私食，一個人食哂咁大件就當係lunch，超級飽！
蜜糖芥末大魚蛋 （$10）
因為星期日好多人幫襯，我等嘅時候就叫咗個大魚蛋食。無錯，就係平時係長州食到嘅大魚蛋。大大粒有兩粒，有三種味揀，我就食咗蜜糖芥末。甜甜地又有啲攻鼻嘅感覺，魚蛋彈牙好味，買嚟過下口癮一流
以前岩岩開5使點等，宜家比網上介紹過後，一到三四點就開始好多人，想食嘅就最好避開放學時間嚟喇，嘻！
張貼
