成記茶寮

營業中

休息中

星期日中午12點到，已經有五六個人排緊隊，等咗十五分鐘有位坐，落單都幾混亂，等咗一陣都落唔到單，最後變咗炸緊嘢ge老闆幫我落單，叫咗兩個雞翼豬排飯，食物都算快到，雞翼就分開上，食咗半碟飯後先上到。味道方面，豬排超大件，肉質好腍滑，味道方面略嫌唔夠入味，汁唔多但甜甜地幾好味。雞翼煮得唔算好入味，覺得應該係趕住上俾客所以唔夠火候。$46一碟飯黎講，份量超值，味道算可接受，反而跟餐凍檸茶超驚喜，茶底夠濃，甜度適中，好好飲，十分推介！