亞金叻沙 (鯉魚門廣場) (已結業)

清明節去完拜山，就去咗大本營隔離嗰個鯉魚門商場開飯，竟然俾我哋發現咗新開嘅一間東南亞美食，我哋一人嗌咗一個餐食，親戚就叫咗個海南雞飯，呢個海南雞飯個油飯好香，啲飯煙煙韌韌，隻雞好滑，肉味好香，係用心之作。而我就嗌左個咖喱牛腩飯，呢個咖喱椰香味極濃，而且牛腩炆得好林又入味，送飯一流。另外帶咗個炸蝦餅做小食，蝦膠好彈牙，上面仲放咗少少鹹鹹地既葱上面，即刻帶出蝦餅嘅味道，一人食完都係幾十蚊，抵食自選，原來阿金喇沙好多間分店，下次都唔使特登入油塘食。