檸檬冰室 (汝州街)

營業中

休息中

出開黎深水埗買野，行到肚仔餓求其入左間茶餐廳度搵野食下。入到去俾成間舖的黃色主題吸引住，唔怪之得間舖叫「檸檬冰室」。入面果裝修用左我最鍾意的超酸檸檬糖的漫畫包裝，加上職員會主動介紹招牌菜，超有親切感。 ⦁炸髀沙律 $43炸髀睇落外皮有點乾，但食落外皮超脆，入面仲要好juicy。還配了大大份薯仔沙律。勁大份！ ⦁鮑魚雞煲 $75雞煲味道適中，洋蔥薑蒜都爆得好香，雞肉同冬菇入味之餘，唔會煮到好乾，仲keep到嫩滑既感覺。鮑魚雖然細細粒，但都有幾粒，仲要燜到好淋好易咬。送飯一流。 ⦁檸檬牛油雞翼 $50雞翼係即叫即炸，keep住熱辣辣，每隻都肥嘟嘟，牛油味勁香勁濃，重有檸檬醬汁可以解解膩。 ⦁法蘭西多士 $25西多香脆，配上花生夾心，最特別佢地家用既係有花生粒既花生醬，令到普普通通既西多更吸引。 ⦁趣趣華田（跟餐） $12凍華田上鋪了燕麥，增加口感，唔錯唔錯。