炑八韓烤 (青衣城1)

營業中

休息中

同朋友聚會又係一個食餐好嘅時候，今次揀炑八，原因係睇中佢喎夢幻飄飄燒烤套餐😍😍😍一坐落已經有泡菜沙律等嘅前菜上枱，即刻有得食😋平時見到廣告呢個套餐好似好大陣仗，而事實上佢真係好大陣仗😂 成盤肉一放上枱嘅時候，大家都忍唔住嘩咗一聲!!! 除咗係因為啲乾冰好有氣勢之外，佢啲食物樣樣都好大件，係啲上等貨。先講佢講牛骨，我哋加咗98蚊轉王者牛肋骨，啲肉好淋好香，多人值得轉黎試。另外仲有大八爪魚，春川雞腿，豬五花肉，牛胸腹同墨魚。佢樣樣都好得，尤其欣賞佢醃肉啲香料同舊肉本身好夾。另外仲叫咗一個芝士豬扒炸雞，食落好新鮮唔似返炸，芝士豬扒仲要係流心拉絲，再加埋佢個薯條底好鬼邪惡好開心。我哋再嗌咗佢個白桃沙冰，d冰個味對有啲偏淡，但係佢有啖啖桃肉，啲桃肉甜味吊返起本身杯嘢個味道，好夾。甜品同樣係桃味超巨型🍑🍑 牛奶味冰底甜到入心😆最後好想讚一讚呢到啲職員，好勤力好helpful，成日幫你換個爐個鐵板，你有需要仲會幫你燒埋，好抵讚，下次可以encore。