百匯軒

營業中

休息中

好唔容易先等到慈雲山中心兩間酒樓先後結業後嘅其中一間重開。原先以為會有新面貌新思維,因為七樓被新(百好集團)投得經營。開業幾日後去試一試下午茶,發覺(完全唔掂)。首先被輝煌光猛嘅裝修吸引,但坐落後便發覺差不多一個企堂要負責五六張檯。嚟完一壺茶後又嚟一壺,落單四樣點心(走單兩樣)。食物水準差勁,聽到同檯嘅茶客話蝦餃唔掂已經唔敢叫。叫咗雞包仔~濕立立,牛肉腸粉~唔滑溜又凍凍哋。潮州粉菓叫做交到貨,但家人覺得比平常食開嘅辣好多🙄。最後由部長親自追單嘅南乳豬手上檯,果個賣相叫人反胃。散修修又骨頭多過肉😤😤😤 。咁嘅水準,好難有下次🙅‍♂️🙅‍♂️🙅‍♂️