Drink氣鍋

營業中

休息中

今日收工同一班舊同事食飯。有個喺新界區返工嘅同事就推介咗一間喺火炭嘅蒸氣鍋。由火炭地鐵站出發，行咗10幾分鐘左右，終於到在呢間位於火炭工業邨入面嘅"Drink 氣鍋"。餐廳總共有A,B,C 三個menu，由於第一次嚟，所以就平平地試個$398嘅套餐。待應首先係鍋底落咗啲龍蝦同殼米，然後就慢慢開始上菜!有機濕豆豉北海道扇貝扇貝大大隻，蒸6分鐘就食得。扇貝不單止好夠鮮味，口感仲非常之爽口，一啲都唔痴牙!青花龍蝦嚟自南非嘅龍蝦肉非常爽身，肉質結質，蝦籽蝦膏多到滿瀉。真係食過番尋味呀!蟹肉花生豆腐配黑豚肉露荀卷侍應同我地講，呢個豆腐唔係一般嘅豆腐，係用花生所製造。一上菜，玫瑰花嘅賣相已經非常吸引。蒸十分鐘左右，玫瑰豆腐上面放蟹膏，蟹粉，蟹肉已經變成金黃色，清淡嘅花生豆腐配埋鮮甜嘅蟹膏一齊放入口，形成強烈嘅對比，一啲都唔會覺得"漏"。食完再食個黑豚肉露荀，爽口嘅露荀配上一層黑豚肉，肉汁完全係口腔內釋放!5道菜食完嘅同時，一開始放落蒸氣鍋底嘅生米已經煮成熟粥。粥底吸收咗每道食材嘅精華，味道非常鮮甜，即使煮咗一個鐘，十六穀米亦唔會煮得太軟，粥米依然有嚼口。