November (京瑞廣場) (已結業)

尋晚淋咗一身雨，今日個人好似寒寒地有啲作感冒，成日個人占寒占凍。諗住做完嘢快啲返屋企抖吓，點知經過呢間 November，見佢門面装修幾靚咪望左兩眼囉。哈哈 ～ 真係吾望猶自可，一望就弊傢伙。本來都冇諗住買嘢飲，不過見到佢有個薑汁鮮奶咖啡…… 立即咖啡癮發作，同埋據講薑汁好似可以驅寒，咁一於買杯試吓啦。嘩～ 杯咖啡吾單止分量十足，試一啖而且入口好香滑。咖啡味又幾香濃啵，而且仲好夠薑添。咁大杯咁抵飲冇理由自私飲嘅，立即做番個廿四孝老媽子先，一於順便買多杯士多啤梨莓莓加奶蓋比仔仔飲。仔仔飲完話真係 feel 到有好多莓莓嘅感覺，而奶蓋味都幾香添喎。