麥文記麵家

營業中

休息中

好耐冇去麥文記喇，今晚唔想煮飯嚟回味吓。環境一般，老字號喺咁上下喇，衛生同服務都OK。我點咗雲吞麵，個湯底濃而清甜，雲吞大大粒，皮薄餡靚，一啖咬落去爽口彈牙，每粒雲吞裏面都有幾隻蝦，真喺夠曬足料，而且蝦肉好鮮甜。麵質爽口彈牙，聽講喺手打嘅竹升麵，喺其他地方好小食到咁正嘅麵。老公鐘意食牛腩點咗牛腩麵，唔單有牛腩仲有牛筋，份量好多。牛腩同牛筋都好入味，牛腩唔會好肥膩而且好稔好滑，牛筋好有嚼頭。麵原本都夠曬爽口彈牙，加埋d 牛腩汁仲好食。老公見我個雲吞咁足料，點多個淨雲吞，邊食邊講抵食啊抵食啊，啖啖蝦肉。油菜冇咩特別，好清好似冇油咁，不過菜幾新甜。