漁獲浜燒 (已結業)

閨密生日, 做朋友梗係要好好同佢慶祝, 知佢中意日本野食又中意海鮮, 決定帶佢來呢間好好咁享受下。叫左個金目鯛套餐, 因為金目鯛係可以做到一味兩食, 梗係要比朋友試下, 開下眼界啦。首先上來就係金目鯛刺身, 魚肉勁彈口, 一食就知好鮮, 而且配上店家特地配呢隻魚刺肉既酸汁, 認真一流。之後有燒北寄貝同文甲蜆, 2種鮮甜完全唔同, 一種清香d, 一種再濃味d, 但兩種肉質都好嫩, 新鮮既野就係唔同。再來就係網燒鮑魚! 呢個正! 肉身又厚又夠彈牙。而且燒得剛剛好, 感覺好香口。再來就係金目鯛既第2味~ 炸魚頭啦! 炸得好香脆, 呢種咁香口野送酒一流! 最後係甜品, 雪糕蛋捲, 好正! 又唔會好甜膩, 飯後甜品來說幾好。朋友超滿意, 真想放關後同佢2人去日本好好刷一下。