甜牙牙

營業中

休息中

甜牙牙係我經常翻兜既餐廳之一，食完晚飯後意猶未盡，就入嚟食糖水。抹茶心太軟即叫即焗，要等耐少少先會上菜。擺盤幾靚，有藍莓、士多啤梨、紅豆、忌廉、曲奇餅碎同杏仁。心太軟外脆內軟，甜而不膩，一切開，抹茶嘅岩漿係咁湧出來，流心嘅抹茶唔會太甜，帶點回甘。一啖冰凍既雪糕配上一啖熱辣辣嘅心太軟，真係好正。水晶仙草芋圓杯上次試過紅豆芋圓，今次試吓仙草，仙草正常發揮。中間嘅寒天水晶晶瑩剔透。西米加脆珠連埋椰汁一齊食，幾有口感。特別一讚芋圓做得幾好，味道突出之餘咬落亦相當煙韌。