甜牙牙

營業中

休息中

今日好好mood，所以夜晚食完飯同男朋友揸車出去食糖水，去到好多人排隊，其實呢間位於旺角，都算出名，成日行過都見到好多人排隊。今日真係要去排下隊，其實實際排左都哈算好耐，不過鋪頭入面就迫左少少。抹茶窩夫 (雲呢拿雪糕) $56窩夫雖然等咗耐少少，但係熱辣辣真係好正，而且又好鬆軟，美中不足就係太多人落單所以冇晒綠茶味雪糕。不過一啖雪糕加忌廉再加埋窩夫真係好滋味。水晶仙草芋圓杯 $48雖然份量唔係太多，不過作為甜品其實都好夠，芋圓又煮得岩岩好，唔會好硬又唔會煮得太over。Overall黎講都好唔錯，地理位置都幾好，都比較方便，唯一就係要比較多人去食要排耐少少隊，但係下次再約多d朋友去試下個大窩夫先，打下卡都好嘛。