鋿晶館

營業中

休息中

今晚行完街突然想飲茶，之前喺荃灣食過依間覺得唔錯，所以就試埋旺角呢間分店。都坐得幾舒服！首先叫左叉燒腸粉($32)，腸粉皮好薄入口又滑，叉燒超多！香煎蘿蔔糕（ $20 ），幾抵食，煎得好靚，外層香脆入口後個糕都唔會太粉。之後叫咗鮮蝦菜苗餃（$30），入口柔滑，皮好薄，蝦同豆苗嘅味道好夾，兩者都係好鮮甜。蟲草花鮮竹卷（ $28），幾特別，鮮竹卷入面有西芹、紅蘿蔔絲同豬肉，加埋蟲草花食就更加健康，一啲都唔油膩。最後仲叫咗芝麻糕（ $28 ），芝麻味濃得來一啲都唔甜！依間食點心性價比好高，見到仲有小菜同烤魚食，都唔係貴，下次會試吓！