百份百餐廳 (南豐廣場)

營業中

休息中

話說呢一間坑口嘅百份百餐廳，堂食都係第一次，原來入面都幾大，位置都夠闊落，坐得舒服👍🏼估唔到午餐好多選擇，基本上米線類，焗飯類別，鑊氣小炒，湯飯等等。今次叫咗個蔥油雞飯，真係有意外驚喜😍首先份量好多，一般男士一定夠飽👍🏼另外豉油醬汁配上大大粒蔥花，好有口感。特別一稱讚，就係佢嘅燒雞，燒到金金黃黃，恰到好處，咬落去有少少結焦，少少脆脆地，好開胃🤤而且雞扒都夠大塊👍🏼總結而言，百分百餐廳的食物確實有質素，而且價錢都合理，平均午餐$60人頭。