金龍冰室。 川湘菜

營業中

休息中

同男友都係無辣不歡❤️🌶️兩口子想食辣唔洗出遠門嘅，大埔就已經好多好選擇！呢間金龍冰室已成為我地嘅飯堂，咪睇舖仔細細，佢地川湘食物種類夠哂多，每次黎到水準都keep到！我最愛嘅辣子肥腸🐽整道菜唔會好油，又爽又煙韌，最緊要係正宗嘅四川花椒辣味真係好正好過癮！金龍水煮魚就唔洗講🐟次次黎都係must order，有時出到去食水煮魚可能會中伏，呢度盲唔會喇，每次都熱辣辣，滿滿一大兜，賣相已經係足料，除左魚肉，仲有薯粉、萵筍、酸菜、芫茜等等，每啖口感同層次都十分豐富～乾煸四季豆雖然好多地方都有，但水準就未必好喇，呢度嘅四季豆次次都炒得好爽脆，四季豆同肉碎比例亦平均，屬高質素之作💯