金龍冰室。 川湘菜

这家店好硬核，258双人套餐选三个菜，送两碗饭两个汤，给我们的分量至少是三个人的分量，米饭塞的满满的，送的汤也直接用個巨碗装😂😂😂我们第二天的晚饭直接有着落了😂😂整体味道不错毛血旺和时菜炒牛肉好吃，炒土豆丝一般般…查看更多

每次嚟都係叫酸菜魚午市嘅酸菜魚都係70幾蚊，包飲品，可以配飯或米線。酸菜魚份量好足，仲要係生魚片！！！唔係間間都會用生魚片，有啲餐廳就可以轉生魚片但要加錢。味道剛剛好，少少酸同辣。外賣佢會用膠紙封邊，包得好好，依個餐食咗幾年，有時候想試吓其他，但次次都忍唔住要叫返酸菜魚🤤👍🏻…查看更多

呢間茶餐廳，經常幫襯，街坊格局，但係座位幾闊落，坐得幾舒服差不多每次來都吃招牌酸菜魚， 午餐價錢 $68 奉送飲品。酸菜魚唔係話特別勁辣，酸菜和魚片的份量都不少，魚片嫩滑，還有紅薯粉在湯裡，索曬湯汁最好味附白飯一碗。另有大盤的酸菜魚提供，如遇著午餐時間，一定叫午餐抵食，好多客人都會叫呢款另外幾欣賞呢度啲炒粉麵，唔會話油淋淋的。是日叫了乾炒牛河 $58套餐熱飲加$3，凍飲加$5今次略嫌棄牛肉有少少燶，可以接受，河粉頗香口三絲炒米 $58是幼身米粉，幾足料，幾鍾意呢隻幼身米粉，幾滑和易入口人均60多元， 區內在這裡食午餐，不錯的選擇。…查看更多

泊底咗架車準備去附近打邊爐點知想食嗰間已經爆曬人，等位又未必咁快（已經八點幾…）唯有即刻轉第二間 金龍，印象中幾年前都食過呢一間但係好似轉咗手由普通嘅茶餐廳轉咗做川菜但係今次同行嘅朋友唔食得辣所以揀嘅菜式都係唔辣的，包括雞煲🤣唔錯，夠香！下次想試辣嘅清蒸黃花魚 $90 唔係好大條，不過夠嫩滑清炒蒜蓉西蘭花好似無記錯係 $75？？以上小菜全部都無包飯同飲品打算叫杯凍檸茶嘅時候，佢話剩係得呢啲🤣仲好大杯（當時指埋俾我哋睇實物）🤣🤣我哋三個人分享，唔錯嘅總括以上，嘢食都幾夠鑊氣雖然主打係川菜，但係清淡嘅嘢都唔錯見到隔籬枱啲餸真係好吸引（辣、避風塘）等我下次撇走呢個friend，再食麻辣雞煲麻辣小炒肉，麻辣麻辣麻辣麻辣🤣…查看更多

話說呢間冰室，個名聲勁得好似火箭咁上升。今次評到佢既酸菜魚同埋幾款揼底小菜，真係心郁郁要同大家分享下。先講酸菜魚啦，湯底鮮得嚟又夠晒味，魚肉滑溜溜，一啖落肚感覺得到個酸香味同微妙既麻辣融合得好自然，啱晒愛挑戰味蕾既食客。生炒骨呢件菜做得好夠味💥，骨頭炸到外脆內嫩，啲菠蘿係成功提升晒成道菜既甜酸平衡。嚟到咕嚕蝦球我就真係一讚再讚👌，炸得正啱好，唔油膩，伴隨咁多汁又甜中帶酸嘅菠蘿，口感上得嚟又唔錯。乾煸四季豆炒得脆爽得黎唔會過油，真係要諗住埋款識得享受。吃過哂，呢間冰室真係值得推介，無論係氣氛定係食物質素都有一定水平，朋友聚舊，嚟呢度食個過癮肯定無錯🥢！這家店的食物質量真係可以話係突出，而且好食無肉酸，適合一班朋友聚一聚，齊齊搵啲新鮮感覺。下次仲要帶埋其他朋友再嚟，轉轉口味試下其他嘢。🍴😊…查看更多

近排天氣濕濕凍凍咁，無咩胃口，淨係好想食返啲辣野暖下身🌶️食左呢間主打川菜金龍冰室，估唔到好有驚喜～招牌水煮魚個酸辣好正好正宗，湯底又濃郁，一路食一路標緊口水出黎，魚肉又大件，味道清甜，質地又嫩滑😍辣子肥腸，本人非常鍾意食肥腸，肥腸炒得又脆又爽，唔痴牙，最緊要係新鮮！加埋麻辣炒，忍唔住一件接住一件，好好食🤤再黎個雜錦香鍋，入面乜都有，主要係素菜同豬肉，唔會好辣，同時惹味，送飯就啱哂～食左咁多野最後埋單都唔洗$500😌性價比超高嘅一餐，下次想食辣野時一定會再黎！…查看更多

前日去大埔搵男朋友去食嘢，我同佢講話好想食辣嘢，佢真係搵咗屋企附近嘅呢間金龍冰室。川湘菜🥰❤️✨辣子肥腸$108辣子肥腸辣味好濃厚，肥腸咬落去啲油脂流出嚟！好正呀！仲要肥腸洗得好乾淨，食得好滋味！❤️✨避風塘魷魚鬚$128避風塘魷魚鬚炸到好香脆，脆卜卜咁好好食！❤️✨金龍招牌酸菜魚$178金龍招牌酸菜魚魚肉大片，夠厚肉唔會散晒，酸菜同魚肉份量都好多，魚肉比較滑嫩，口感好好！鍾意酸菜魚嘅朋友一定要叫呢個招牌！食辣嘢當然唔少得叫多兩罐啤酒一齊飲🍻餐廳環境方面闊落同埋好乾淨光猛，店員服務態度都好良好，整體感覺唔錯。…查看更多

又係happy Friday，放咗工同同事去榮輝商場食晚飯，食一啲熱辣辣嘅菜式，炒熱個氣氛。我哋叫咗三道菜式。🥘重慶辣子雞一口一件辣子雞，食得非常過癮，雞肉香口夠晒味，食得辣嘅話同埋個辣椒🌶️亁一齊食，超級正超級好味！🥘惹味雜錦香鍋雜錦香鍋入邊有超多配料，入邊有鮮蝦🦐、魷魚🦑、椰菜花🥦、豬肉🐖、冬菇，所有材料用辣椒乾、香蔥、芫荽同芝麻去爆炒，真係香到冇得頂。🥘金龍水煮魚鮮紅色湯底嘅水煮魚，見到已經知道入晒味！辣辣嘅水煮魚湯底能激發魚片的鮮甜味道。除咗水煮魚，當然仲有例牌嘅芽菜同薯粉啦！呢一鍋真係好滿足呀！…查看更多

又再再再再一次食辣嘢，基本上每次去大埔都一定會食呢間🥹每次去到都係衝着食佢哋嘅惹味雜錦香鍋。當然，佢地川菜食物種類都幾多，而且味道都不錯，雖然重點食辣，但好多食物都可以揀走辣。碟碟都好有份糧….😝！食到飽飽好滿足！講返主角--------惹味雜錦香鍋，呢個係我地公認最好食既一道菜！！！！！！勁香勁惹味！！！！簡直係配飯神器第一，因為佢啖啖肉冇得頂，大蝦用辣椒炒過食落去感覺更加鮮甜，超正呀！第二，腸好夠鑊氣，內臟肉質相當好〰️脂肪比例較少〰️食落去好嫩〰️一啲都唔鞋口重口味既你地一定勁鍾意！呢個全部材料都整得好乾身，真係炒得好香，將辣椒同佢哋炒埋一齊，辣椒嘅辣味係入晒落啲材料入邊，每一啖都會食到辣味，又係岩晒食辣既朋友( ^ω^ )PS。我一定會為佢個香鍋反兜！佢真係太好味喇🤣🤣🤣🤣🤣…查看更多

今年媽咪生日，我哋特登揀咗佢最鍾意嘅川菜館食生日飯！最緊要係地點又近屋企，食物又好味！媽咪每一次去都超級滿意！🌟乾煸四季豆$80師傅將🐷免治豬肉同炸到好乾身嘅四季豆🫘一齊炒。味道香濃，但完全唔會覺得油膩。而且四季豆非常掛汁。入口滋味無窮，口感好豐富。超級好味！🌟金龍水煮魚$178餐廳嘅招牌菜式👍🏻。所以一定要食！紅卜卜嘅麻辣湯汁🌶️同鯇魚肉🐟一定係絕配！魚肉爽口，而且味道濃郁。加埋辣椒嘅味道！真係會令人辣上癮！🌟農家小炒肉$92餐廳嘅特色菜，青椒🫑清脆香甜加埋辣到飛起嘅辣椒🌶️同醃得好入味嘅豬肉片🐷。味道超惹味！超級下飯！我同媽咪每人食左兩碗飯!!媽咪對呢餐好滿意，話爸爸生日嘅時候會再同佢黎！😂…查看更多

❤️惹味雜錦香鍋$172既一個乾鍋有大蝦，菜花，肥腸，牛肉粒，好豐富，有洋蔥，大蒜，辣椒呢啲香料，全部材料吸晒啲味，辣辣地好惹味，啲蝦又彈牙，啲腸又煙韌，菜花都好爽架，全部都好好吃！🧡乾煸四季豆$80既一碟四季豆好大碟，好多豆角，啲豆角又新鮮又爽脆，仲辣辣地好過癮，又有啲軟腍腍既肉碎，口感不知幾好，炒得都好乾唔會好油膩，好正好爽口！❤️‍🔥重慶辣子雞$98一碟，有數不盡既雞粒，全部都係炸脆佐先再炒，但又唔會乾，吸收晒辣椒既辣味，仲有啲花生粒添，口感真係好好呀，不得了！…查看更多

之前食過唔少川菜，但最好味嘅一定係喺大埔嘅金龍冰室。川湘菜！呢度嘅食物唔單止好味，而且侍應嘅服務態度仲好好！CP值超高！真係超抵！🦑避風塘魷魚鬚🦑呢個唔算好辣🥵，就算唔食辣嘅朋友都好啱食！薄薄嘅炸粉包住美味彈牙嘅魷魚鬚🦑。再加埋香蒜🧄同椒鹽🌶️一齊炒！超惹味！我勁like 呀！🌶️重慶辣子雞🐓雞肉炸到脆卜卜，入面就嫩滑多汁。再用大量嘅辣椒🌶️同花椒一齊炒。辣椒味滲哂入雞肉🐔到。食完之後，麻辣嘅味道係牙縫到滲返岀來！真係冇得彈哦！🌶️金龍水煮魚🐟呢個真係不得了，🐟魚肉好新鮮，肉質好爽口彈牙！🌶️麻辣汁同魚肉嘅配搭簡直係天衣無縫！完全冇覆蓋到大家嘅鮮味。絕對不能錯過俾一個菜式！🤤我覺得呢間餐廳真係好值得推介，就算唔食辣嘅朋友，都一定有揀到自己鍾意食嘅嘢！呢個絕對係佢嘅賣點！…查看更多

大家碌多幾篇食評就發現，咦～🤔️食黎食去都係個幾味？？ 又讚到天花亂墜⋯⋯假到呢，仲話大埔第一好食川菜？？？去到店鋪環境勁污糟，凳上有水漬⋯⋯檯面又有蟲⋯⋯食餐飯唔知見到幾多隻蟲係檯面經過⋯⋯我地叫左牛魔王，寫住包括牛肚，牛脷格牛肉，上返黎係肥牛？？？頂，邊個水煮牛肉係用肥牛啊？？？你都寫清楚啲啦，想偷龍轉鳳⋯⋯份量又少又咸⋯⋯叫左杯大大杯嘢飲，有螞蟻🐜！！！叫服務員換，sorry都冇講聲，仲黑口黑面咁換俾我地叫左碗白飯，見到服務員執完枱幫我地裝，唔洗手？？？跟住係白飯到食到條頭髮⋯⋯正！…查看更多

次次去到都要等一等位🤪太多人食喇😂😂好在今次等左十幾分鐘就到我地😊金龍招牌酸菜魚$178酸菜魚一上到黎比我想像中大碗，椒嘅麻香味十足，又酸又辣，食得好過癮😍。魚肉份量好足，又抵食又滋味。仲有好多其他配菜，有闊粉、萵筍、芽菜等等，令到口感更加有層次感之餘，亦都好入味，勁推薦❤️。辣子肥腸$108佢嘅辣椒真係好辣，但係唔會俾人覺得唔夠味，反而係好香好辣，啱啱啱好！🌶️最辣的辣度還是會讓人瘋狂冒汗，請小心服用。惹味雜錦香鍋$172呢度菜真係估佢唔到，淨係賣相就已經不得了。入口麻辣味非常之刺激味蕾，一路食一路吮埋蝦殼啲汁，呢度餸真係超上癮呀！…查看更多

我地先試佐$92既農家小炒肉，呢個有啲似小炒王既，有啲豬肉片，青椒絲同炸菜絲，亦有啲香蔥辣椒，肉片好嫩，適量既肥膏令豬肉好滑，爽脆既青椒絲同炸菜絲既口感都好好，成碟都惹味好正！另外再叫佐$128既避風塘魷魚鬚，魷魚鬚好大碟，炸得又夠脆，又夠鬆化，魷魚鬚好彈牙好新鮮，炸完出嚟好惹味，同啲炸蒜一齊食更加香更加好味道！仲叫佐個$172既惹味雜錦香鍋，入面有鮮蝦，椰菜花，豬肉粒，冬菇粒依啲，全部都係好惹味，一個鑊將全部材料炒香晒，加埋辣椒香蔥依啲香料去炒，每一樣材料都好香，惹味傑作！飲住冰凍既可樂同黃老吉去食就仲爽啦！…查看更多