影片
更多
2024-03-04
63 瀏覽
🥢Lúa 🔍銅鑼灣東角道26號怡安大廈1樓13-15號舖及地下13-16號舖-----不知不覺呢一間滿佈燈籠嘅網紅打卡餐廳已經在銅鑼灣開了好一段時間。餐廳裝修用心，加上香港人總貪新鮮，餐廳只要有打卡位，剛開的時候人流多幾乎是必然的，但若果開了一段時間依然人流旺盛，那就真的是實力有返咁上下了。#豬湯檬（$119）一開始覺得價錢稍高，但食完發現材料確實比坊間好多越式餐廳多，裡面有豬扎肉、豬耳扎肉、炸豬扎肉、豬肋骨、豬肉丸、豬肉碎等等，豬扎肉尤其高質，肉脂味好重。#經典越南法包（$98）法包外層非常酥脆，餐廳體貼地將法包切半，可以比客人望到裡面滿滿嘅餡料，中間有式扎肉、豬肝醬、青瓜、菜、紅蘿蔔絲等等。豬肝醬份量好足而且好濃郁，一咬落去就咇晒出嚟。#香茅豬肉撈檬（$119）薄身嘅豬肉片肉味頗濃，炸春卷酥酥香香的。撈檬麵質彈牙，裡面有蔥油、醃白蘿蔔同紅蘿蔔、生菜、花生等等的配料，入口油油潤潤，加入越式魚露汁後，酸酸甜甜幾開胃。#越南大蝦米紙卷 ($108）裡面有檬粉、扎肉、青瓜、蔬菜、大蝦等等，口感好清爽，適合中意清淡健康口味嘅人，外皮好有彈性，口感不錯。#鮮芒芭菲（$98）貌相精緻，表層有鮮芒
🥢Lúa
🔍銅鑼灣東角道26號怡安大廈1樓13-15號舖及地下13-16號舖
-----
不知不覺呢一間滿佈燈籠嘅網紅打卡餐廳已經在銅鑼灣開了好一段時間。餐廳裝修用心，加上香港人總貪新鮮，餐廳只要有打卡位，剛開的時候人流多幾乎是必然的，但若果開了一段時間依然人流旺盛，那就真的是實力有返咁上下了。
#豬湯檬（$119）
一開始覺得價錢稍高，但食完發現材料確實比坊間好多越式餐廳多，裡面有豬扎肉、豬耳扎肉、炸豬扎肉、豬肋骨、豬肉丸、豬肉碎等等，豬扎肉尤其高質，肉脂味好重。
#經典越南法包（$98）
法包外層非常酥脆，餐廳體貼地將法包切半，可以比客人望到裡面滿滿嘅餡料，中間有式扎肉、豬肝醬、青瓜、菜、紅蘿蔔絲等等。豬肝醬份量好足而且好濃郁，一咬落去就咇晒出嚟。
#香茅豬肉撈檬（$119）
薄身嘅豬肉片肉味頗濃，炸春卷酥酥香香的。撈檬麵質彈牙，裡面有蔥油、醃白蘿蔔同紅蘿蔔、生菜、花生等等的配料，入口油油潤潤，加入越式魚露汁後，酸酸甜甜幾開胃。
#越南大蝦米紙卷 ($108）
裡面有檬粉、扎肉、青瓜、蔬菜、大蝦等等，口感好清爽，適合中意清淡健康口味嘅人，外皮好有彈性，口感不錯。
#鮮芒芭菲（$98）
貌相精緻，表層有鮮芒果粒、蝴蝶酥丶小麥胚芽等等，然後是大量的椰子奶蓋、寒天晶球及迷你麻糬等等，加上粒粒迷你蜂蜜蛋糕，口感味道都好豐富，甜得好有層次，椰子味好突出，本來以為係類似芒果雪糕嘅口味，結果比想象中更好食一些，值得一試。
張貼
