手作功夫茶 (京瑞廣場1期)

營業中

休息中

本身好鍾意飲台式手搖飲品，通常門口多人排隊同等，質素都有返咁上下🤓今日試下呢間手作功夫茶睇下正唔正先。🟢柚香晶球綠茶(少冰)本身好鍾意柚子味，呢杯柚香晶球綠茶嘅柚味真係唔錯！唔係人工嘅香味，而係好清新爽甜，唔洗特別較個甜度，本身已經好好飲。加埋好鍾意晶球嘅QQ感，啱哂本身麻麻地珍珠但又想有咬口嘅我😃🟤伯爵奶茶(少冰少蜜)呢杯伯爵奶茶嘅茶味好重好香🤤試過飲過其他店好澀，呢杯質素非常高，滿足到我呢啲對奶茶咁有要求嘅人。所以多人排隊都係有原因👍🏻不過雖然多人，但落單後直至拎野飲都係好快手，名乎其實快靚正‼️