必勝客

營業中

休息中

想食pizza最方便一定係叫pizzahut，apps落單大概一個鐘左右送到。每次食pizzahut都一定會叫芝心批今次叫個4人餐包一個大批就揀咗千島海鮮，個餐另外仲包2個小食、2個飯或意粉、4個湯或飲品。另外再加埋BBQ雞翼同芝士菠菜小食揀咗蒜蓉包同薯角，蒜蓉包無以前咁多牛油咁好食，同埋都凍凍地唔太夠熱，好彩係都仲係脆脆地。薯角就一樣少少凍但味道ok，唔會淋到放唔入口。意粉揀左新出嘅五重芝士長通粉同穩陣嘅葡汁雞飯。芝士唔太咸配長通粉係好味嘅，岩晒鍾意芝士嘅人！葡汁雞飯有椰香雞都夠滑。千島海鮮芝心批好好食！但pizza切少咗刀，要自己另外切開。