鰹烏冬 (LT Tower) (已結業)

見評價好似唔錯，上星期就叫左個咖喱烏冬（+骨付雞）外賣試試，喺openrice12:20落order,之後12:35分上到去見好多人排隊，唔緊要，企埋一邊等（不過走廊等果個位真係好焗好熱）點知等到12:45分都未得，但openrice app顯示已經ready。期間見到有兩三個上到黎先叫外賣嘅人都已經拎得野走左。之後我就企入間舖出外賣果位等，我張單係T7，見到隔離有個T8單嘅人都好心急，大約1點鐘，佢就追問職員得未，然後佢就直接show張單俾廚房位嘅職員睇，果個職員就周圍望望，喺一堆盒中搵到T8果個外賣盒，執兩執就交貨俾T8果個人⋯我見到咁嘅情況，當然都照做，show單俾廚房睇，佢又搵一輪，執一輪就俾我，時間已經係1:12分。最慘係件事仲未完，我攞到番公司，一開，得個淨烏冬，件雞唔見左，即刻打上去問，個職員就問我仲要唔要件雞，但要起碼等到2點⋯大佬，我唔駛番工咩，就話唔要，佢就話安排退錢，仲話之後叫人聯絡番我。但到左呢一刻，都無人搵我，就係咁，我俾左$81，等左接近成粒鐘，只係得個淨烏冬。