可可豬海南雞專門店 (寶榮大廈) (已結業)

Cocopig開完會太攰，懶得煮，決定買外賣番屋企食。聽朋友講呢間Cocopig 海南雞飯都幾好食，又近地鐵站，方便買完搭車。 揀左藥膳醉雞飯同椰香海南雞飯，加埋小食麻辣雞腎同秋葵。埋單都係$146， 都幾抵食。藥膳醉雞係凍食，打開勁香花雕酒味，上面仲有塊北芪，重料藥材味，滋陰補氣，雞肉又嫩滑。到我最愛既海南雞飯，無骨啖啖雞肉，加埋海南雞醬，少少酸辣，好開胃。配既唔係平時食開既油飯，係椰香飯，甜甜地，椰香味濃，好有馬來西亞特色。麻辣雞腎都唔錯，辣味適中，雞腎爽口惹味，份量都唔少。秋葵就清甜新鮮，簡單配豉油都好好味。