熺會館

營業中

休息中

疫情關係，多咗買外賣返屋企食，所以我好着重食物外賣後嘅質素，而呢間喺尖沙咀嘅熺會館就係我嘅外賣飯堂，皆因佢哋嘅小炒拎返屋企之後仍然keep到好似堂食咁新鮮好食，非常難得😋今日叫咗四個餸外賣，「紅燒豆腐煲」冬菇大大粒，炆得好林好香，送飯一流✨「鮑汁黑松露琵琶豆腐」啱晒老人家同小朋友食，鮑汁香濃又惹味，伴碟嘅菜心拎到返屋企仲keep到翠綠色🥬點少得叫佢哋嘅「馳名生炒菠蘿咕嚕肉」，咕嚕肉酸酸甜甜，個皮仍然好脆，同堂食嘅一樣好味🤩最後有「芥辣安格斯牛柳粒」，牛柳粒份量足料，仲有好多青瓜同埋三色椒一齊炒，都幾有鑊氣！如果你都想好似我咁偷懶唔煮飯，建議你哋嚟呢度買佢哋嘅小菜，一返到屋企就可以開飯，又方便又好食😚