影片
更多
2022-03-07
14 瀏覽
近排經常買外賣食，食得多飯盒想食吓其他嘢，土耳其嘢食夠晒有新鮮感，見佢午餐有lunch set，就買咗兩個試吓。小店係即叫即整，開放式廚房可以見到店員忙碌咁預備食物。Lamb Kebab Roll+ Cornflakes nuggets+ Drinks $88Lamb Kebab Roll好足料，羊肉大大粒，肉質鬆軟，有羊肉香味又唔會好羶，配上微辣嘅醬汁，加上一啲惹味紫洋蔥、爽脆生菜，成個卷包埋一齊食，好正。呢個卷size都幾大，女仔食一個絕對飽。Crispy Chicken Roll+ Cornflakes nuggets+ Drinks $78呢個卷我見店員都係即炸塊雞，即刻食雞皮應該都係脆口，但係我返到屋企食就因為有醬汁整濕咗淋咗。不過都冇選呢個卷嘅好味，雞肉大大嚿，一樣足料，醬汁配料都好惹味，如果唔食羊都推介食呢個雞肉卷。Cornflakes Nuggets呢個好好味，好有驚喜，估唔到外賣返到屋企都仲係脆到卜卜味。佢出面痴左粟米片嘅炸粉超級加分，金黃香脆，加上裏面厚肉嘅雞塊，絕對係邪惡，無法抗拒。爆谷$18我見舖頭竟然有爆谷賣，就買咗一個細size過吓口癮，呢個返到屋企食竟然都
Lamb Kebab Roll+ Cornflakes nuggets+ Drinks $88
Lamb Kebab Roll好足料，羊肉大大粒，肉質鬆軟，有羊肉香味又唔會好羶，配上微辣嘅醬汁，加上一啲惹味紫洋蔥、爽脆生菜，成個卷包埋一齊食，好正。呢個卷size都幾大，女仔食一個絕對飽。
Crispy Chicken Roll+ Cornflakes nuggets+ Drinks $78
呢個卷我見店員都係即炸塊雞，即刻食雞皮應該都係脆口，但係我返到屋企食就因為有醬汁整濕咗淋咗。不過都冇選呢個卷嘅好味，雞肉大大嚿，一樣足料，醬汁配料都好惹味，如果唔食羊都推介食呢個雞肉卷。
Cornflakes Nuggets
呢個好好味，好有驚喜，估唔到外賣返到屋企都仲係脆到卜卜味。佢出面痴左粟米片嘅炸粉超級加分，金黃香脆，加上裏面厚肉嘅雞塊，絕對係邪惡，無法抗拒。
爆谷$18
我見舖頭竟然有爆谷賣，就買咗一個細size過吓口癮，呢個返到屋企食竟然都仲可以保持脆口，好開心，少少焦糖味唔太甜啱晒我。
張貼
