尚海薈

蘇格拉底話，世界最美麗的愛情是暗戀， 每次經過望住佢無盡幻想， 又聽到好多人讚美的說話，心心眼， 期盼， 唔知幾時可以親親香澤！終於有人作媒， 可以進入佢嘅懷抱， 跟他談談心，了解後，佢外型吸晴，少油少盐標準健康，但上海菜濃油赤醬？銀絲卷$45， 脆皮金黃但細條 ，粉唔香， 粉團唔彈，無銀絲，對佢跌watt。花雕醉雞$138， 酒香雞嫩，黃白分明，有的安慰。香煎韭菜餡餅$78， 冇韭菜香，丁屎韭菜，皮硬 不鬆脆，心又一沉。糖醋小排骨$138， 排骨腍有彈但無火花， 糖醋唔夠醋香。桂花煙燻鯧魚$188， 這個最好煙燻濃鬱吸引，心情有點提升，但係桂花噃，何處尋？水晶肴肉$88， 晶瑩，彈口，味宜， 水晶啫哩帶紅色，正常滿意。酥炸臭豆腐$108， 夠臭， 品質正常，未氹到我開心。糖醋桂魚片$208， 份量似少食格，6,7條，肉少，我心酸。雪菜蝦仁炒飯$188， 小雪菜， 瓜點點，以此價，高檔地，不油，爽口，體諒。招牌小籠包$88， 皮略厚，汁無浪吓浪吓， 漏唔到汁，心又沉咗， 咀藐藐。環望環境，服務，可氹翻我笑，靚太面前行catwalk，吸晴。