極上帝王水產

營業中

休息中

好耐冇食過放題啦，今日約咗朋友一齊去旺角兆萬食，呢度好多間放題，我哋揀咗呢間極上帝王。一坐低就叫左刺身，全部都好新鮮，三文魚肉質肥美，入口甘香，甜蝦虎蝦爽口彈牙，赤貝肉質爽脆無腥味，象拔蚌有咬口。海膽入口creamy，鮮甜度十足。我地叫左個壽喜燒，醬汁甜甜地配埋蔬菜幾好味，牛肉肥瘦適中，入口爽滑。最中意個豆腐，滑嘟嘟。燒羊架油脂豐富，羊味濃郁。牛舌勁厚切。燒菠蘿係焦糖面，咬落香甜多汁。食到飽飽食番支凍冰冰雪條解膩。