益民茶樓

去吉澳一定要食（只可以食）益民，因為佢係到上面唯一一間餐廳

一場嚟到一定要食佢遠近馳名嘅手打墨魚丸，其實一開初抱又好大嘅期待，但係一食就發覺好普通，食到好多墨魚粒，但係其實成粒丸基本上係冇乜墨魚味，所以我唔太清楚到底佢係只有墨魚粒，定係粒丸係用墨魚膠打成嘅，會建議返叫湯加紫菜，因為濕濕地好過就咁食蒸嘅墨魚丸

另外非常推介嘅係吊桶蒸銀魚仔，價錢要110蚊，好鮮味，但係唯一唔好嘅地方係太多油

另外唔知係我唔好彩，定係例牌嘅雞就係咁樣，成碟雞只有雞肋，成碟雞加埋嘅肉應該少過一隻雞髀嘅肉，同埋隻雞好肥，皮好厚，好後悔叫左呢個麻辣雞