益民茶樓

返part-time間公司早幾日搞鴨洲吉澳一日遊，最鍾意食玩訓嘅我當然唔會錯過啦😆😆中途黎到呢間酒家食飯，我先發現，原來以前我黎過，要去到食飯個下先認得😅😅白切雞白切雞肉都幾嫩，多肉，又唔會太鹹，唔鍾意食皮嘅我，咬走晒d皮😂😂白灼油菜🙂菜份量都幾多，上面嘅蠔油（？）少鹹，其實係我自己唔太鍾意咁鹹，鍾意食原材料嘅味道，菜都鮮甜白灼蝦呢個出奇地幾好食，佢唔係超級彈牙個隻質感，但係少軟嘅感覺（唔係霉啊），都一樣食得出鮮味😋蒜蓉豉汁蒸黃立䱽🐟正常不過嘅魚，沒有什麼感覺西芹炒雞粒西芹爽脆，但係雞粒先係令到成碟餸好食嘅靈魂，入味嘅雞粒，完全唔硬，軟軟地嘅同時維持形狀，唔係散晒，我用筷子都夾得起，打完字，我自己都繼續流口水🤤益民墨魚丸我以前食過，係好食到覺得驚艷，甚至即刻買左一盒返屋企，自己煮黎食。點知今次去有d唔同，佢都係好彈牙，好有質感，但係味道唔同左，唔知係我回憶太美好，定佢真係差左🥲🥲🥲豉汁蒸排骨好一般的排骨，我仲覺得幾肥膩添🙃🙃蒸魷桶銀魚仔同事話呢個好好食，但我覺得太鹹啦，我頂唔住，因為我無食白飯，可能有白飯伴碟，成件事會唔同講法，魷魚我覺得係幾有鹹香嘅，但係望住佢對眼，我真係食唔落，比左我同事食😅😅😅有同事買左d翻屋企益父母😗…Read More

諗住放假去離島行下，hea 下，由於公衆去吉奧嘅船只有星期六日同紅日，而且每日只有一班，去完鴨洲過吉澳就係lunch 時間，島上獨市嘅餐廳就好忙好似做團餐咁，檯number 定好晒，檯好細好迫，仲迫過我平日喺尖東食lunch , 自助點餐，俾錢同裝飯😑，好嘈好壓迫🥺用order 紙岀去點完餐即時俾錢，大概5mins 就有得食，因為選擇少，其實一早已經煮好，但都熱嘅。炆豬肉好稔好入味，西蘭花🥦肉片好大碟，最岀名嘅墨魚丸當然有點，幾彈牙，不過又唔覺好有陳皮味😅10蚊飯，任食樽裝及包裝飲品自取再俾錢以獨市嚟講食物都有質素，不過以地段嚟講定價就高同非常迫。…Read More

去吉澳一定要食（只可以食）益民，因為佢係到上面唯一一間餐廳一場嚟到一定要食佢遠近馳名嘅手打墨魚丸，其實一開初抱又好大嘅期待，但係一食就發覺好普通，食到好多墨魚粒，但係其實成粒丸基本上係冇乜墨魚味，所以我唔太清楚到底佢係只有墨魚粒，定係粒丸係用墨魚膠打成嘅，會建議返叫湯加紫菜，因為濕濕地好過就咁食蒸嘅墨魚丸另外非常推介嘅係吊桶蒸銀魚仔，價錢要110蚊，好鮮味，但係唯一唔好嘅地方係太多油另外唔知係我唔好彩，定係例牌嘅雞就係咁樣，成碟雞只有雞肋，成碟雞加埋嘅肉應該少過一隻雞髀嘅肉，同埋隻雞好肥，皮好厚，好後悔叫左呢個麻辣雞…Read More

唔知大家有冇聽過吉澳呢個地方？😝呢度係香港嘅一個離島 位於東北面印洲塘之內🏝️屬於世界地質公園裡的景點呢日我地去左一日遊 順便試下個度唯一一間餐廳益民茶樓🥢.益民茶樓好有歷史 從餐廳有塊板介紹吉澳嘅故事因為我地行完山先食飯 所以有啲餸已經賣晒🤯我地覺得食碟頭飯最抵仲可以自選跟飯🍚定公仔麵🍜.🌟客家炆豬肉梅菜豬肉同平時食到嘅有少少唔同🐖覺得多左陣陳皮味豬肉非常腍同入味就算有邪惡嘅脂肪都忍唔住要食埋先夠原汁原味🤤.🌟招牌墨魚丸墨魚丸係呢度嘅招牌菜🦑真材實料 非常彈牙同實淨 必食之選👍.🌟白切雞白切雞雞肉嫩滑 份量十足🐓.🌟自家製涼茶當日剩返雞骨草 成枝雪到冰🧊 啱晒夏天飲 非常涼快…Read More

今個weekend同朋友去咗吉澳玩，我哋一朝早喺馬料水碼頭搭船，搭咗差唔多個半鐘終於嚟到，搭咗咁耐船個肚已經餓，即刻去搵食先😳原來成個島得一間餐廳，不過佢有好多位，都唔怕會無位，不過佢原來1點半就截單，要食嘅話要睇住時間喇佢個招牌墨魚丸最出名，當然一定要嗌，食落真係好彈牙，真係食得出係手打嘅，同平時食開嘅真係好大分別，同埋真係好有墨魚鮮味我唔夠喉再嗌左個淨墨魚丸湯，紫菜係必須加，五蚊個份量已經好多，紫菜令到個湯更加有鮮味我地另外再嗌咗個四川麻辣雞，呢個冇咁驚豔，不過都幾好食，個雞好滑，麻辣醬夠哂麻，食落好夠味#foodie #吉澳美食 #吉澳 #沙頭角 #外島遊 #離島遊 #hkig #hkfoodieblogger #hongkonger #foodblogger…Read More

今日興起同朋友專誠去馬料水等船去吉澳，入去之前都有聽朋友推介過吉澳只係得一間餐廳。我仲以為獨是會冇乜驚喜啦點知我一食粒墨魚丸就覺得充滿住驚喜係好鮮嘅墨魚未呀！除咗墨魚丸之外每碟餸都好地道好農村feel,但都係好食嘅！…Read More

去過吉澳遊玩的人都會因呢間食店有些少名氣而來。今日我也不例外慕名而來，當船泊到碼頭，各人急不及待前往，食店早有準備大量客人，卻始料不及疫情放寛後那瘋狂到處走走的人，不到數分鐘己客滿，還要輪候。墨魚丸是必食的，試過後，感覺不太特別，只覺雷聲大雨點小。炆豬肉也是必食的。炆豬肉比較深得我心，肉質鬆化，豬皮位置絕不肥膩，夠入味。米粉質感粗糙，但勝在大碗。試過一次應該足夠，下次會去其他，可惜整個島好似只得一間😂。…Read More

為咗避開由鴨洲過嚟嘅大量旅客，加上吉澳只有呢一間餐廳，我哋係島上閒逛一陣，差唔多12點就衝去食飯。時間尚早，所以唔使等位。餐廳入面嘅枱分兩行，因為係白飯任裝，所以餐廳留咗條好寬敞嘅走廊俾大家裝飯，枱同枱之間就迫，真係背脊對背脊咁。兩個人嗌咗3個餸，朋友嗌米粉，我就揀白飯。同朋友一致認為蒸魷筒銀魚仔係最出色嘅菜式！非常有驚喜！係好多地方買過銀魚仔番屋企食，都覺得幾咸，但呢個銀魚仔完成唔會，夠鮮甜，有少許海魚該有嘅海水味。再加上個豉油，唔咸唔淡，味道剛剛好。既食到銀魚仔嘅新鮮，個汁嘅味道亦唔會蓋過本身魚嘅味，太正😆 反而，魷筒就真心咸，質地係幾好咬口，但無飯送住食的話就真係咸過頭。送飯一流嘅客家炆豬肉🥰  豬肉有啲鞋，但肥瘦比例適中，煮得好入味。豆卜索晒啲餸汁，當然好食。係有啲油同少少咸咗啲，但只要有飯，要消滅呢個餸絕對無問題 。減肥這回事。。。聽日再講😎😎朋友形容為墨魚版嘅山竹牛肉球🤣  見評論推薦所以一心想食，但因為銀魚仔意外地出色，所以呢個菜相對地無咁吸引我哋。的確有一個有特色嘅菜，出面食唔到。做法應該似牛肉球，但由牛肉變成墨魚。墨魚味好香，個丸打得好爽口，記得要趁熱食！整體全部菜式份量都唔少，兩個人食得晒都算係咁。估唔到小島都有好西食！…Read More

假日同家人去鴨洲吉澳一日遊， 船從馬料水碼頭9點開出，先到鴨洲遊玩，然後再乘船到吉澳，已是中午時分  ，於是在吉澳唯一一間的益民酒樓食午飯。我們叫了客家炆豬肉，麻辣口水雞，招牌墨魚丸， 蒸鱿桶銀魚仔， 白灼油菜心。 另每人十大元，白飯任裝。客家炆豬肉 ，瘦肉部分很軟稔， 肥肉鬆化而不油膩，很入味。 麻辣口水雞 ，雞肉嫰滑有雞味 ，加上微微的麻辣味 ，不怕辣的人，必要試。 墨魚丸爽口彈牙，有口感。 蒸鱿桶銀魚仔，惹味又好吃， 我們忍不住即刻在當地買了一包銀魚仔回家煮。 菜心又嫩又甜。…Read More

咁辛苦搭咁耐船，行完鴨洲，就來到吉澳。見到呢度本身有幾間餐廳，但都執咗囉，所以得返呢間獨市。我哋兩個人食咗三樣嘢，一個係扇貝，唔算好大隻，但都叫新鮮，上面有啲粉絲加埋啲豉油都幾好味的。另一個係我見到人人都嗌嘅碟頭飯，啲豬肉炆到好林，加埋啲豆腐，都幾好味的。尤其係行到身水身汗，乜嘢都好味。另外就係一碗米粉墨魚丸，啲墨魚丸好彈牙，相信係自己手打的，所以我都覺得值回票價。呢度嘅環境就一般啦，都預咗㗎啦，但係有冷氣好正啊…Read More

唔知大家有冇去過吉澳呢？其實吉澳係香港嘅一個離島，喺沙頭角附近嘅，今日我就去咗行呢個離島，順便去吉澳最出名嘅酒家 - 益民酒家食咗個lunch😋我哋今日叫咗客家炆豬肉、白切雞、白灼菜心，當然唔少得佢哋嘅招牌菜 - 蒸墨魚丸😍😍😍😍首先嚟嘅係白切雞，我哋今日3個人食叫咗個例牌，就同出邊街食冇乜特別，所以就唔多講啦。跟住就嚟到客家炆豬肉，因為客家人炆豬肉1定要用好肥嘅豬肉，所以我哋係食到好多肥豬肉🤣但啲肥豬肉撈飯真係好好食，個汁唔算太鹹，夾埋個肥豬肉，再撈埋落個飯食，件事錯晒，搞到我食咗2碗飯😋再之後就嚟咗蒸墨魚丸，真係反晒規，墨魚真係新鮮到不得了，超級彈牙，我朋友爭啲唔留俾我食，我哋最後都係忍唔住要叫多碟，超級新鮮，超級足料，朋友呀直程食到墨魚丸🦑個圈圈，證明係新鮮食材，呢個餸搞到我朋友又食咗2碗飯🤣最後就係白灼菜心，雖然你會覺得菜係普通食物，但係佢嘅份量好多，多到我哋3個人都食唔晒，碟菜真係好抵食👍另外1提，佢哋有好多自家製嘅涼茶，例如雞骨草同洛神花茶等等，我哋今日叫咗個洛神花茶，唔算太酸，都幾好飲，如果需要清熱，食飯時都可以叫返支嚟飲😋總結：益民嘅價錢，因為係離島嘅關係，所以一定會貴啲。但係所有餸都份量十足，尤其是墨魚丸，超級新鮮同埋足料，絕對係滿足左我哋嘅胃。同埋唔係你話想去食就想去食，真係要搭好耐船先可以去到食，有時間可以黎一次離島遊家食飯都不錯🤗…Read More

同朋友喺盛夏嚟個鴨洲吉澳一日遊，由於吉澳嘅餐廳選擇唔多，基本上一落船，所有人都會行去同一方向，就係去呢間益民茶樓。我哋叫咗兩個餸：手打墨魚丸同埋吊桶銀魚仔。墨魚丸食得出好真材實料，真係有一粒粒墨魚喺入邊，不過同時我覺得都有明顯嘅魚肉味，相信因為成本問題，點都唔會係純墨魚肉。至於吊桶墨魚仔就比較失望，碟餸幾乎係比油浸住，但冇豉油，而且食落唔夠味，就算白飯任裝都好，基本上都好難送飯。下次有機會再嚟嘅話希望可以試吓客家炆豬肉!…Read More

同朋友出外郊遊，對嘢食基本上唔會太高要求，一入到餐廳見到裝修好舊。諗住都唔會有咩驚喜，我哋叫咗墨魚丸，一上菜真係好驚喜粒粒墨魚丸裏面都充滿着墨魚，淡淡都好鮮味🤫🤫…Read More

黎到島上當然要食呢度出名既客家菜同手打墨魚丸, 選擇唔多, 一落船基本上全部人都湧曬去呢間益民酒家😂 真係要行快兩步, 如果坐滿曬就要等下一輪嫁喇例牌白切雞🐓($95)原本想叫鹹雞, 但係賣曬所以就試白切雞🤓 雞肉好滑身, 配埋蔥油好正😍例牌客家炆豬肉🐖($110)客家特色菜, 豬肉肥瘦均勻, 炆到入曬味, 仲有索曬汁既豆卜, 值得一試🤤大例白灼油茶🥬($65)勁大碟既粗菜芯勁嫩同甜👍🏽例牌益民墨魚丸🦑($105)例牌有8️⃣粒, 想食多啲既可以叫1️⃣2️⃣粒大例😏 果然名不虛傳既手打超彈牙墨魚丸, 好厚實, 食到一粒粒墨魚粒, 絕對真材實料, 一定要食😍自家製陳皮燉檸檬🍋($20)行完山飲返杯爽得黎又有種滋潤既感覺, 另外仲有汽水同涼茶可以揀🙂選擇唔多既情況下食物質素又唔錯, 仲要安排得好有程序, 落單到上菜都好流暢☺️…Read More

如果唔係參加本地遊一日好難有機會嚟到呢度，呢間酒家作為近乎獨市(可以坐室內兼有冷氣)，佢嘅出品算中規中矩啦。酒家推介嘅三款餸：招牌墨魚丸、客家炆豬肉、蒸魷筒銀魚仔，我覺得最好係客家炆豬肉同埋蒸魷筒銀魚仔，至於其他餸(包括餐牌上面嗰啲)都只係屬於一般。客家炆豬肉南乳味好香，豬腩肉嘅肥膏炆得好有彈性，而且好入味。蒸魷筒銀魚仔嘅鹹香味好正，好有漁村風味，落少少豉油同埋薑絲已經好正。如果你都想試吓啲海鮮亦可以叫吓，不過無期望可能會有驚喜，價錢算平，新唔新鮮就睇彩數。我食嘅白灼蝦係麻麻嘅，扇貝就唔錯。…Read More