8Five2 Restobar

營業中

休息中

尖沙咀朋友話搵咗呢一間墨西哥嘢同我試吓，我好似都未出過去食墨西哥嘢，幾得意$138 Ceviche Tuna第一次食個配搭好新奇個醬汁好入味，有辣味同埋墨西哥嘅味道。感覺似吞拿魚他他，仲好有仙氣，下面放咗啲炭，感覺好特別。$168 Chicken Enchiladas第一次食呢個菜式，勁好食，已經想再encore。因為有超邪惡嘅芝士，配上卷餅，芝士嘅份量係非一般。一路拉絲，超滿足。揀咗雞肉餡料，感覺似食緊雞肉嘅芝士千層麵。店員仲會好窩心提醒個碟好熱小心焫親。$78 🍄Mushroom Cappuccino 見到個名好特別，估到係蘑菇湯，就嗌呢個飲吓。點知一上枱嚇親，因為真係好大碗，仲要係現場即刻倒俾我，好驚喜。而且都好好飲，份量好足料，勁多雜菌，又cream。$118 Mr right見到佢有爆谷，幾特別，所以就揀咗呢杯。呢杯係我近期飲過最好飲嘅Cocktail，佢有爆谷之餘，仲用咗blacklabel，caramel，比較甜，啱女仔飲，又啱打卡。