影片
更多
2017-04-26
246 瀏覽
朋友帶我嚟到呢一間新開嘅金公館，是的如果唔係朋友介紹實在係有啲難搵。佢位於謝斐道近鵝頸橋方向，謝斐道比較出所以少啲人去，但係呢一度卻有好多臥虎藏龍嘅餐廳。新開嘅呢一間金公館，用上好特別令人眼前一亮嘅酒杯，以及好多好靚嘅三國時代感嘅器皿。以及好友三國演義色彩嘅裝修，真係要讚一讚設計師，第一次有令我有眼前一亮嘅獨特裝修。唔知道老闆係咪好鍾意中國歷史嘅呢？呢一個叫鼎？Anyway我真係唔知。淨係覺得能夠連個杯都咁仔細，更精彩相信佢嘅食物一定會更加出色。呢度最主要食川菜以及打邊爐，今日一行七人，就係要來食下呢度嘅小菜，帶我地你識嘅呢位朋友上個星期因為水煮牛肉而要再call大隊過嚟，佢話辣得精彩，牛肉夠多，而且十分之淋滑，最重要係唔係剩係得辣椒。因為比呢個朋友係good裏邊講到咁出色，喜愛辣嘅朋友就約埋拉大隊過嚟啦。講真我唔係食得好辣，但食完一餐我一定會再嚟！前菜方面我地點左好精彩嘅夫妻肺片，我有上次最驚啲夫妻肺片就係一堆油，其實我喺重慶食嘅夫妻肺片，係好乾身唔係好多油，由只不過係一個配角，最重要係乾身嘅辣椒粉花椒的味道。現已呢一度嘅夫妻肺片就做到唔會太油，十分之香結乾身花椒味道。食完唔覺得好大
新開嘅呢一間金公館，用上好特別令人眼前一亮嘅酒杯，以及好多好靚嘅三國時代感嘅器皿。
以及好友三國演義色彩嘅裝修，真係要讚一讚設計師，第一次有令我有眼前一亮嘅獨特裝修。唔知道老闆係咪好鍾意中國歷史嘅呢？
呢一個叫鼎？Anyway我真係唔知。淨係覺得能夠連個杯都咁仔細，更精彩相信佢嘅食物一定會更加出色。
呢度最主要食川菜以及打邊爐，今日一行七人，就係要來食下呢度嘅小菜，帶我地你識嘅呢位朋友上個星期因為水煮牛肉而要再call大隊過嚟，佢話辣得精彩，牛肉夠多，而且十分之淋滑，最重要係唔係剩係得辣椒。因為比呢個朋友係good裏邊講到咁出色，喜愛辣嘅朋友就約埋拉大隊過嚟啦。講真我唔係食得好辣，但食完一餐我一定會再嚟！
前菜方面我地點左好精彩嘅夫妻肺片，我有上次最驚啲夫妻肺片就係一堆油，其實我喺重慶食嘅夫妻肺片，係好乾身唔係好多油，由只不過係一個配角，最重要係乾身嘅辣椒粉花椒的味道。現已呢一度嘅夫妻肺片就做到唔會太油，十分之香結乾身花椒味道。食完唔覺得好大負擔。選咗少辣呢就適合我呢啲唔太食辣嘅人，各位如果平時有識開辣可以响呢度叫中啊！
椒鹽九肚魚係香港人好喜歡食嘅小食，呢度嘅九肚魚用薄切嘅形式，細細件，粉漿唔會太多，咬落去感受到九肚魚嗰種滑嫩感覺。即叫即做，上枱香味十足。
小食中嘅蒜泥白肉亦都係其中一個令我覺得精彩嘅美食，平時見到嘅蒜泥白肉都係一片肥豬肉再加一大堆辣椒油同埋一大Pat蒜蓉。其實都幾不錯，不過如果我話比你聽呢一度嘅蒜泥白肉係用一片博博嘅青瓜包住一片美味嘅五花腩，然後中間係有蒜茸,留醫唔係蒜蓉係蒜茸，將蒜頭磨成好似沙律醬一樣咁幼，認認真真咁樣將佢塗抹喺青瓜同埋五花籃上面，咬落去幾個味道嘅均衡配搭，直情有畫龍點睛嘅效果。
重點菜式係呢度嘅水煮牛肉，是的就係我朋友一路行過嚟一路形容好好食嘅水煮牛肉，印象中好似冇響香港食過一間令到我印象深刻嘅水煮牛肉，然而今次係呢一度搵到，呢一大盤紅卜卜嘅水煮，牛肉係十分之嫩滑，淨係望落去都已經見到光澤，就好似啱啱敷完面膜嘅皮膚一樣，裏面有我最鍾意嘅薯粉，筍片，還有其中一樣我喜歡食嘅美味芽菜，芽菜索到呢一啲又香又辣的湯汁後。。。。我真係可以食兩碗！好多時水煮牛肉就真係得一大pang辣椒同埋湯，但呢度，係北極你都會見到牛肉啦，青瓜啦，芽菜啦，薯粉啦同埋荀，你以為牛肉係主角？試過芽菜同青瓜你就知！
然後朋友再挑戰大辣。我只能吃一啖就投降了！我欣賞呢一度嘅辣味，先辣後麻，就好似維他朱古力奶一樣，如果太多牛奶味，朱古力味冇定企，等到朱古力味翻番嚟牛奶味又唔爭氣。。。要牛奶同朱古力攞到平衡，先至會係最佳味道。呢個水煮牛肉，辣味同麻味係相輔相成。就好似牛奶同朱古力一齊開開心心咁樣玩平衡木。希望大家明白到我嘅比喻。
醬茶鴨我地點左半隻，講真我有啲後悔！我後悔自己點解唔叫一隻。。。煙燻嘅味道，係由你咬第一啖開始散發於口腔當中。由外皮到肉都充滿呢一種香味。
辣左咁耐係時候要俾我抖下，萵筍絲係我其中一個喜歡的小菜，爽爽甜甜嘅感覺，簡單而美味，最重要係佢有解辣嘅效果。剛剛睇過九把刀嘅報告老師，怪怪怪怪物！我好想同老細講: 報告老細~ 有好正嘅辣辣辣辣椒，不如揾日拉大隊過嚟試吓呢一間美味川菜，再慢慢鬧人都未遲啦！哈哈
張貼
