影片
更多
2019-09-26
639 瀏覽
有時搭幾個站遠離中環，計埋車錢都食得平過係中環排幾個字食餐頹飯。揀左黎翠湖飲茶，呢間係西灣河係間老字號茶樓，質素應該都唔差。午市有好幾張點心紙。我今日就主攻特價點心，大件夾抵食。呢度茶錢早午下午茶都係$6位，簡直平通街。<翠玉蝦餃皇>($14.8)呢個有三隻，每粒有兩至三粒彈牙既蝦仁，亦有幾粒翠玉瓜，真係抵食之選。<蜜汁叉燒腸>($18.8)皮比較厚，所以幾飽肚，叉燒切得幾細，均勻分佈。<鳳爪排骨飯>($18.8)排骨份量幾多，加上豆豉，已經幾夠味，唔一定要落豉油。<南瓜西米露>($12.8)西米超足料，煮得比較耐所以比較腍，味道唔係好甜，主要係來自南瓜既自然甜，算係幾健康既糖水。埋單連茶錢加一$79，夠曬飽，叉足電飯公司繼續做野。
午市有好幾張點心紙。
我今日就主攻特價點心，大件夾抵食。
呢度茶錢早午下午茶都係$6位，簡直平通街。
<翠玉蝦餃皇>($14.8)
呢個有三隻，每粒有兩至三粒彈牙既蝦仁，亦有幾粒翠玉瓜，真係抵食之選。
<蜜汁叉燒腸>($18.8)
皮比較厚，所以幾飽肚，叉燒切得幾細，均勻分佈。
<鳳爪排骨飯>($18.8)
排骨份量幾多，加上豆豉，已經幾夠味，唔一定要落豉油。
<南瓜西米露>($12.8)
西米超足料，煮得比較耐所以比較腍，味道唔係好甜，主要係來自南瓜既自然甜，算係幾健康既糖水。
埋單連茶錢加一$79，夠曬飽，叉足電飯公司繼續做野。
張貼
