翠湖海鮮飯店 (卿旺大廈)

營業中

休息中

5月11號星期日係母親節，5月8號我哋提早慶祝母親節，我哋叫咗五個餸，先來咗一個黑椒燒鵝皇，個黑椒汁係好鹹，其實基本上每一個餸都係偏向鹹，都覺得個廚師個味蕾係咪有啲問題呢？跟住嚟一個黃金一口豆腐，冇驚喜食品一般，花膠鵝掌煲，鵝掌的而且確係幾大隻，但好可惜個芡汁係好多油同埋偏向鹹咗啲，砂鍋魚頭煲味道一般都係偏向鹹，最後嚟一個濃湯雞煲翅，個湯個味道適中，但係好可惜都掩蓋唔到雪藏雞味，最後送咗個南瓜西米露俾我哋食，個南瓜西米露係真係好甜，政府時常忠告市民食嘢要少鹽少糖少油，今晚嘅餸菜真係多鹽多糖多油，真係食得唔健康啦。希望個廚師有改進嘅廚藝。

提早慶祝母親節，要預早訂位，可能係獨市生意啦，都幾爆棚嘅，嗌咗個濃湯雞煲翅，味道適中，但係蓋唔到雪藏雞味，有點敗筆，花膠鵝掌煲，鵝掌真係好大隻，好可惜嗰啲芡汁太過多油同埋鹹咗啲，基本上每一味餸都係鹹咗啲，黃金一口豆腐中規中矩啦，冇特別驚喜，黑椒燒鵝皇啲豉油太鹹，砂鍋魚頭煲都係有點鹹咗啲，侍應生服務都OK

同朋友差不多完成當日嘅工作，諗住食埋午餐先返屋企，諗起嗰日係母親節，想搵個地方10個人食嘢，似乎有啲難，當時已經11點多啲，朋友查咗電話，直接打去訂12：15 竟然訂到，好彩。位置安排係1樓，要上1層樓梯，6人枱10個人坐，都ok嘅，坐得親密啲。好肚餓，就即時落單，點咗15個點心，之後加多1碟炒飯／1碟炒麵。炒飯燒麵竟然來先。點心後上，不過睇得出係即叫即蒸，起晒熱烟。瑤柱蛋白炒飯／豉油皇肉絲炒麵上枱時熱辣辣，炒得好乾身，唔會好油膩，分量仲好多，大家都覺得唔錯。燒腩仔我覺得唔得，因為個皮太硬，有脆感，但唔係酥脆，牙都要咬崩。反而我啲朋友就覺得幾好。鮑汁雞腳我無食到，不過見朋友食得幾滋味，味道應該唔錯。鮮蝦腸粉幾滑，蝦肉爽脆點心拼盤純粹覺得比散叫平啲，有4款點心，每款兩件，平日$55，假期$60腐皮卷好香脆，好亁身，好好食，我覺得係全日最出色。紅棗糕／菜苗餃我都無食，朋友話紅棗糕好軟糯，唔算太甜。菜苗餃都幾好。叉燒腸粉／煎釀茄子兩樣我都係無食到，不過賣相都幾好，茄子好大舊，幾飽滿。食食下都上齊晒啦，呢間幾唔錯。埋單計9位，每人$110都幾抵食，因為真係好飽。

前幾日帶左兩個北京朋友去食晚飯。點了雞煲，酸菜魚，海鮮煲。雞煲：唔錯，兩個朋友勁鍾意。佢地好快食曬，我一啖都冇食到。估計味道唔錯。酸菜魚：應該有改良過，符合香港人口味。我同朋友都覺得唔夠辣。幾好味海鮮煲：同樣地，兩位朋友瘋狂咁食，應該味道唔錯。服務可以。啲姐姐幾友善，肯俾我點完菜就跑去埋單。環境乾淨。交通都方便，門口就有巴士站去唔同地方，返九龍都得。今次睇到餐牌有翅，其實好像點，下次自己一個人再返黎試其他菜式。

豆瓣醬📖豆瓣醬是川菜的必備佐料，相傳范蠡 17 歲時在財主家管理廚房，財主要他把酸餿食物變成有用之物。聰明的范蠡先將長了綠毛白毛的食物用物處理，然後曬乾再用鍋炒熟，去味殺菌，加溫水攪拌成糊餵豬。後來，有個小長工與范蠡開玩笑，將這食物放在麵條里給范蠡吃，沒想到，麵條特別有味。得此啟發，范蠡用這種酸餿發毛食物創製出了美味可口的豆瓣醬。🍤 翠湖蝦餃皇大粒厚皮、材料偏咸🍄 花膠雞絲炆伊麵用料一般、夠熱、偏油，少許神奇豆瓣醬增強口感📝 知客私伙紙巾、精美無瑕嘅瓷碟花紋同餐具，對開卑路乍灣海濱長廊休閒設施、堅彌地城新海旁優美環境，大大提高咗綜合印象分。

呢間野嘅食物質素越黎越差，首先，啲燒豬，炸雞咸到爆，啲海鮮又腥同吾新鮮，啲龍蝦人地吾知仲以為係人地食剩，一忽忽！另外，我哋坐左好耐都未有野食，當有野食時竟然一次過岀曬所有野，完全有留空間俾人食野，一次過一堆野食上枱，請問點食？食物貨不對版，本身menu 寫有紅豆沙，點知最後佢地趕收工而上左桂花糕，hea到爆！最後，啲員工嘅服務態度真係好差，因為今次冇俾利是，啲人嘅態度即刻有變，1.我地投訴上菜太快，佢地淨係怪廚房，完全冇解釋到！2.有個短頭髮嘅西裝經理，態度爆差，佢竟然冇理會我地嘅投訴，反而係背後話返我地轉頭，背後講我地壞話😮‍💨😮‍💨3.其他經理嘅人態度都好差，佢地真係好現實，冇利是就彩你都傻，想叫佢地落單都扮睇吾到！4.間野收1030.9:50已經係度催人走，要收呢樣收個樣，又係度話要收工啦，要走啦個啲，真係冇唸到點解一間餐廳會甘，做生意都吾想，反而係甘催催催，真係好吾得，甘嘅態度真係接受吾到！

天氣雖然不算太凍，但氣節上都算是入冬季節，家人想食蛇宴，於是選了這間酒樓的套餐試試。門面及室內裝修都是一般傳統酒樓。酒樓空間都算幾大及濶落，不會跟其他枱太近。我們叫了這個半席羊蛇九大簋宴。菜式很快上枱，不知是否我們在晚飯較早時段入場點菜，9款餸菜都上得很快，堆滿一枱。首先是蛇湯灼生蝦。蝦的肉質彈牙，新鮮好食！然後是這個花膠燴五蛇羹。待應會幫我們分好入細蛇再食，配有脆脆片，乾花瓣及白胡椒調味。材料份量適中，湯不會太傑身或太稀，不過這個羹的湯汁有點偏咸。行運乳豬半隻。這個還不錯，皮脆，肥膏適中不會太多，下面層肉都算厚。一啖咬下不會太油太流。加添乳豬醬都OK。這味荷芹鳳片螺片螺片大大塊，爽口有咬口。荷蘭豆味道清翠，配有黑木耳，豬肉絲及黃椒片。味道不錯！蛇汁灼郊外菜感覺似普通的灼熟菜，不過我們放入羊腩煲吸收羊腩汁後再食，非常一流！👍😆黃金脆片蛇丸這個食落似肉餅味的肉丸球。外層脆口，配有甜酸醬都頗好食。古法扣羊腩這個羊腩煲的汁非常好味，很濃郁，入面的菇及荀都吸收了汁的精華，很好食，羊腩炆得不算韌，但可以再淋一點會更好。一邊食一邊繼續煮，熱辣辣的，冬天最適合不過。生炒糯米飯普通中菜常見菜式。瑤池走

今午去了堅尼地城搜尋酒樓，發覺那裏酒樓不多，最終在吉席街卿旺大廈找到了翠湖海鮮飯店。雪山叉燒包賣相唔太吸引，而且麵包表皮有些油膩，叉燒醬汁多但饀少。鮮竹牛肉球肉質夠滑，肉裏夾著少許馬蹄有口感，有牛肉香味。一般酒樓的鮮竹牛肉球祇得3粒，但這裏有4粒。魚湯浸菜苗白菜很鮮嫩，咬落去仍是脆口，不會灼得太淋，恰到好處，但魚湯頗鹹。香滑牛肉腸粉皮都薄，而且夠滑，牛肉有著芫茜香味，但饀料少了些。鳳爪排骨飯鳳爪夠淋和入味，排骨有點梅但入味。至於蒸飯，一盅飯裏面有兩種不同的口感，有部分硬、有部分淋，感覺不均勻。

經過酒樓門口，見到招牌都幾吸引，而且假期裏面都有位，所以入去懷着試吓的心情，每人一盅兩件。盅頭排骨鳳爪飯，中規中矩。燒賣，外型唔錯，食落有質感，有蝦有肉，兩樣都好爽。我比較少食的炸雲吞，熱辣辣上枱，脆卜卜，好有口感。雞包仔，一籠有三個，有傳統的雞包味道，唔錯。至於服務及清潔方面，都係普普通通。中規中矩。

openrice外卖自取，点了澳洲龙虾，但拿回家才发现是竟然是普通波士顿龙虾！！澳洲龙虾和波士顿龙虾价格差那么多，让人白白多花钱。澳洲龙虾和波士顿龙虾那么大区别，澳洲龙虾没有虾钳，波士顿龙虾有钳子，从颜色到外观都不一样，总不可能是不小心搞错的吧？如果没有澳洲龙虾，为什么不打电话告诉客户改单？？另外点了一道川芎天麻大鱼头，汤非常咸，往里面再加一倍的水才能吃。建议openrice设立客服，能让客户反馈这种送错餐的情况。

門口睇到做梗9:00後入座既宵夜時段優惠，見到幾抵，又免收芥（原來係無餐前小食，所以唔洗收），茶位$5位，就入去試試。🔴川味沙薑豬手睇落幾大舊，不過呢個其實無肉食，好大舊骨，都係食個皮同埋隻醬既味道。🔴魚香茄子肉碎都算多，不過食唔到有魚香味。🔴清蒸沙巴仔肉質都新鮮，size算中等。🔴北茹雞煲仔飯呢個只係廿幾蚊，雞既肉質都ok，呢個價錢好有性價比。臨尾送左一人一碗既紅豆沙糖水，反易呢個有驚喜，碗紅豆沙味道唔錯，甜度適中，d紅豆都軟硬岩岩好，熱辣辣食幾好味。總括黎講食物普通，同價錢相符。

真係好耐冇同家人一起共聚晚餐，老人家比較喜愛食“中式”，所以揀了西環「翠湖」，試下佢哋嘅“四位用”靚湯套餐，還加了一碟例牌小炒及經典炒飯 😉。👇🏻“沙蔘玉竹龍骨湯”～好足料、鮮甜美味，飲完喉嚨好舒服 👍🏻😋👇🏻“燒味併盤”～义燒比較硬、雞就冇咩雞味，其他一般啦…mama哋！😐👇🏻“碧綠炒龍躉球”～龍躉肉好爽滑👍🏻😋，西蘭花及三色椒炒得剛剛好，唔太淋太硬，調味👌🏻👇🏻“金蒜雲耳蒸龍躉球頭腩”～拌汁調教合宜，吊出龍躉鮮味，加埋香蒜雲耳一齊食👍🏻😋👇🏻“菠蘿咕嚕肉”～咕嚕肉外層炸得幾鬆脆但肉質就唔夠滑，幸好酸甜味道調教得剛剛好，配合菠蘿青椒，都頗醒胃啦 😏👇🏻“濃湯野菌浸菜苗”～湯味濃郁，野菌菜苗鮮甜，口感唔錯 😚👇🏻“瑤柱蛋白炒飯”～飯炒到一粒粒，唔油膩，加埋翠肉瓜粒、香蔥瑤柱都唔錯 😋大致上食物份量足夠又好味，可惜送漏“精美甜品” 😬，因為大家食得好飽又暢談得好開心，完全忘記仲有甜品就埋單 😅，而伙記又冇跟進，真是美中不足喇 🙄！

今晚同老媽子入去叫左$1200 半席，連埋個小朋友6 大1 小入去諗住開心食返餐做個生日， 明明一早打左去book ，點知最後7 個人都係坐4 人枱 ，重要求我坐左都重要換枱 ，話留左張枱俾10 人（明明6 人枱），加上我有小朋友 ，我話左放底小朋友就寫返紙仔安心出行做返，門口個知客追左我九條街，係要我整晒先 ，方死我唔寫 ，屋企人重聽到門口大叫： 如果條友唔寫就趕佢出去 ！ 咪俾佢地食！😮‍💨我明白酒樓經營困難怕被禁停業，但如此服務態度令人不禁感到失望。加上最後茶位寫左7 個人！試問2 歲小朋友竟然要計茶位？！ 🤯走時見到聲稱留俾10 人既位得5 人坐緊！😡相信無下次，想試既人要有強大心臟🫀

早前係到叫左個set 諗住普普通通食返餐 估唔到又唔差wo! 黎攞枱時都幾多人 所以侍應們都做唔切 同埋啲送餐車撞黎撞去 坐近路既客人要小心坐貼小小啊 見我隔離兩枱都有個位無人坐就撞左幾次 芝士焗珍寶大蝦球伊麵 蝦球都做得幾爽 個汁同伊麵都ok紅燒花膠雞絲翅 花膠煮得似水魷絲 翅煮得不太杰 翡翠炒龍躉球 龍躉球肉實在啖啖肉 不過係碟餸油左啲清蒸龍躉頭腩 呢道我好喜歡 肉質滑又鮮甜 魚皮也煙韌帶爽 果皮蒸鮑魚 果皮不澀 鮑魚也無蒸過火 成件事好鮮甘味美綿繡乳豬拼盤 係最後先上 唔好問點解 😂我都唔知 可能啲燒味唔夠再燒呱 成碟都正常嘢 味道也不錯 最後賣單時佢哋無扣減已落的deposit 如果對侍應有要求 或餐廳會醒目地把已扣減好的單先交比你既人就不適合去 因佢哋會怪罪於你唔同佢講😂但嗌賣單時已講 可能去到cashier又無扣 有少少混亂 不過大家賣單時醒目提多兩次就無大問題 另外對餸菜排序有要求的人也不要太有期望 始終舊式酒樓真係難啲

堅尼地城作為一個老區，雖然有唔少點心鋪，但係唔知點解唔算太多茶樓，翠湖就係其中一間。今日端午節，去飲茶當然唔少得食返個糭，我就揀咗佢哋嘅鹼水糭，都算幾結實，不過不失。另外仲叫咗春卷、燒賣呢啲例牌嘅點心，反而更加有驚喜。呢兩碟點心所用嘅蝦比平時啲酒樓大隻同有鮮味，食落仲幾彈牙！另外食咗雜菌腸，感覺比平時蝦腸或者叉燒腸清，都幾好食 😋上菜嘅速度都算快，落咗order之後大概5分鐘左右已經開始有得食，而且環境都算寬敞舒適。