麪譜車仔麵 (已結業)

今日放假入咗大埔，🐽🐽帶咗我去食車仔麵。麪譜車仔麵 一入到間店好有童年時食車仔麵果種感覺。我小時候食車仔麵係去婆婆屋企樓下果檔車仔檔食。估唔到今日會有番呢種感覺😆睇吓食咩先有咁多款餸選擇，真係好難取捨。所以我哋決定每人叫唔同既餸咁咪可以食到多啲款式😆我叫咗個幼麵、沙嗲牛栢葉、萬年滷大腸、清純蘿蔔妹、豬紅、豬皮 、酥炸蝦卷、港撐溏心蛋啲餸名好有心思。啲車仔餸好好味，我最愛大腸同溏心蛋😍🐽🐽叫咗河粉佢話啲粉吸哂啲餸同湯汁好正😋佢餸要咗藤椒煲老藕、麻甩辣魷魚、瑞士留學雞翼、滷水鴨腎、藤原豆卜、陳皮魚蛋、火雞姐牛丸 、魚皮餃。老藕真係好少有，好爽口正呀！嗱喳小食查篤撐風爪又淋又入味食到我哋舔舔脷。失戀💔酸齋食落都唔係好酸酸酸甜甜仲好食。仲飲埋新出既白桃烏龍梳打真係好爽