影片
更多
2022-12-26
359 瀏覽
老實講，食上海嘢嘅舖頭，香港地大把，自己亦有個pocket list：生煎包嚟講我比較鍾意西營盤嘅「莉苑」，貪佢recipe夠正宗、價錢夠吸引；小籠包嚟講我就會揀「金滿庭」貪佢出品一直保持穩定兼且高水準。除此以外，香港亦不乏有口碑嘅連鎖式上海菜餐廳，例如「翡翠」、「小南國」、「和平飯店」、「鼎泰豐」等；就連一啲走大眾化路線嘅、好似「夏麵館」、「上海姥姥」咁，大部分出品都係正常發揮。所以堅信號當初可以係咁短時間，喺云云上海菜餐廳入面企穩陣腳兼喺食客之間建立口碑，一定有番兩道省手。因為工作關係，當日lunch要喺YOHO解決。心血來潮想食上海嘢嘅我，就揀咗堅信號。撇除嗰啲樓面服務、舖面裝潢等等門面嘢唔講，以下落嚟我淨喺講食物。咁既然叫得做「上海生煎王」，即係我一定要會一會個生煎包啦；其次，小籠包係要嚟試吓間上海菜館合唔合格嘅一樣嘢食，所以走唔甩。所以我就叫咗個「胡麻醬五彩冷麵」配兩件小籠包（$49），再加錢要兩隻生煎包（$13）。第一樣食既係生煎包。一上菜已經知道呢個唔係生煎包，而係應該叫「生煎湯包」。正宗上海生煎包既皮係有番咁上下厚度，先蒸後煎，面頭被煎包嗰陣彈起既油花形成帶光澤既表皮，
因為工作關係，當日lunch要喺YOHO解決。心血來潮想食上海嘢嘅我，就揀咗堅信號。撇除嗰啲樓面服務、舖面裝潢等等門面嘢唔講，以下落嚟我淨喺講食物。咁既然叫得做「上海生煎王」，即係我一定要會一會個生煎包啦；其次，小籠包係要嚟試吓間上海菜館合唔合格嘅一樣嘢食，所以走唔甩。所以我就叫咗個「胡麻醬五彩冷麵」配兩件小籠包（$49），再加錢要兩隻生煎包（$13）。
第一樣食既係生煎包。一上菜已經知道呢個唔係生煎包，而係應該叫「生煎湯包」。正宗上海生煎包既皮係有番咁上下厚度，先蒸後煎，面頭被煎包嗰陣彈起既油花形成帶光澤既表皮，底部就係焦香金黃色、食落有啲似pizza批底既感覺。肉汁應該留喺餡裡面既肉之間，要食嗰陣咬落去先會流出嚟。總之簡單啲講，上海嘢既包點（小籠包除外（注：或方便辨別可稱為湯包））類離唔開厚厚既麵粉頭同油膩感。咁所以非常介意攝取澱粉質同油份既嗰類人，去上海菜餐廳食飯就應該唔會點哎呢樣嘢食。
堅信號既生煎包完全顛覆咗大家對生煎包既認識：佢層皮大概好似窩貼皮咁厚，表皮除咗灑上蔥同芝麻，嗰層應有既油光完全唔明顯，聞落亦唔覺有油香。至於個底係香脆既，厚度大概餅乾咁，而且同樣唔覺油膩。湯汁就留喺包入面，咬開層皮一啜就已經飲到啲湯汁。所以好明顯，堅信號個做法係迎合少油低澱粉既飲食潮流，將傳統上海菜既麵粉頭同油膩感改頭換面。你問我就有好有唔好啦：食物無咁油膩係會吸引食客返轉頭幫趁；但就失去咗傳統風味。點樣判斷就各憑喜好啦。
小籠包係咁多樣嘢食之中最後上菜既一樣，起初想等所有食物嚟齊再影相，然後先開餐，最後都係費事等食咗先算。佢係連其他臺既order一齊拎出嚟的，所以都幾肯定佢係即叫即蒸，合格！而小籠包亦都係我最後先食既。一般嚟講大家都會認為，小籠包係要趁熱食，如果唔係啲湯汁就會索返入包皮。而我其實係突登咁做的：如果會攤凍咗而keep到大部分湯汁，先算係達到小籠包既最高境界。堅信號既小籠包絕對做到呢點，就算我係食晒成碟冷麵先至食小籠包，入口嗰吓啲湯汁都直噴到去隔離塊膠版上面。好彩我坐單人位，如果唔係都幾尷尬。
至於胡麻醬撈麵，其實會唔算係上海嘢。傳統麻醬麵用既係好鬼杰身既麻醬，油份重就唔在講，而且會有少少苦澀味。店家通常會畀啲糖去校番啱個味，係咁咦整色整水、總之就唔好令個醬太難入口，啲客唔會詐形就任務完成。而堅信號係一間幾破格既餐廳，改用入口帶酸甜味既日式胡麻醬，取代傳統既中式麻醬，但麵身保留番傳統既手拉麵（即係用嚟整蔥油拌麵嗰隻麵）。配料亦相當豐富，撈勻之後可以做到每一炷麵都有醬汁同配料。個人嚟講我幾鍾意呢樣嘢食，因為我呢餐差唔多全部都係澱粉質，而呢個胡麻醬撈麵係唯一稱得上「清爽」既嘢。
食完呢餐，個人認為堅信號出品穩定、而且屬於高水準（只限我點過嘅幾樣嘢食，其他食品質素要再試試先可以落判斷），不過價錢嚟講都真係可以再斟酌下。當日我叫呢個係午市套餐，跟餐有杯豆漿。老實講，$63呢個價錢喺元朗食個晏，選擇有好多。就算唔出返去大馬路嗰邊，喺YOHO裏面都仲有好多選擇，而且佢唔係唯一一間上海嘢。雖然仲有其他上海嘢（家上海、翡翠）而我冇食過，好難做到公平比較；但我都可以好肯定，如果堅信號想用呢個價錢喺YOHO企得穩，佢嘅出品必須要去到「令人驚艷」嘅程度。而好明顯，要做到呢一點都仲有啲距離。
呢一點，可以由佢嘅人流引證出嚟。當日我入座時間係午市高峰，相比起佢附近同價位食肆，例如錦麗、Oliver之類，入座率已經去到六七成。但堅信號都仲係得大概一半左右，其中一個合理解釋就係唔夠回頭客。所以睇得出大部份人其實只係將佢視作其中一個午餐選擇，而非首選。雖然佢已經加入咗Storellet會籍獎賞平台，但可能始終會員人數同埋優惠都唔夠吸引，對於吸客來講，始終作用不大。如果佢有多啲期間限定Menu或者優惠，相信對顧客嘅吸引力可能會多啲。
至於裝修同服務嚟講，個人認為不過不失，舖頭裝修行大眾化、簡約路線，樓面光猛企理，衛生條件理想。可能係疫情關係，樓面人手Cut咗唔少，但因為全面用咗手機落單，所以實質影響唔大。從顧客角度來講，好彩佢冇收我加一，因為我一直都好介意用手機落單、仲要收加一服務費呢樣咁唔合理嘅事。而去返標題所講，到底係「實至名歸」定還是「名過其實」？如果淨係講佢個生煎湯包的話，佢絕對當之無愧；但如果考慮埋其他因素，佢同「王」呢個水平就仲差得遠。
總評：冇伏，可以一戰。
張貼
