泰基隆

營業中

休息中

去深水埗做嘢，午飯時間，番茄師兄同蘇媽蘇媽門外都企滿等位嘅人，旁邊嘅泰基隆反而唔使等位，可以直入。一入到去，仲未坐低，隔住個口罩已經聞到貓味，問店員店內是否有貓，佢話有一隻，問我係咪驚貓。其實我唔驚，不過心諗：呢朕貓除其實都幾趕客，如果想嚟幫襯嘅，就要注意呢點。講返食物，同行友人推介泰式炒金邊粉，叫咗一客，份量頗大，金邊粉炒得幾香，條條分明之餘又唔會太多油，味道鹹酸得宜，入面嘅餸以雞肉，豆干，蛋絲，魚片為主，用料簡單卻豐富，整體質素唔錯。套餐附送熱洛神花茶，剛上枱時係一杯滾水加兩三粒洛神花，浸一段時間後，洛神花逐漸溶入水中，成杯飲品變為紅色，味道酸酸甜甜，好飲👍。