綠林甜品

營業中

休息中

喺深水埗住咗幾年，一路都知道綠林甜品呢一間舖。今日有啲涼就嚟咗食碗糖水。唔食猶自可，一食把鬼火！叫咗合桃糊，都正正常常靚靚囝囝，一食大鑊！無味嘅顏色漿！色水就啱啦，但係真係一啲合桃味都冇！而且仲係好甜，好甜，好似就咁飲糖水咁，仲要係砂糖水，好似出面啲茶記跟糖水俾你飲凍檸茶啲糖水咁！都唔知自己食緊乜！食食吓仲有啲好似一粒粒咁嘅渣，一啲都唔滑好鞋口！大佬咁嘅嘢收$28？無嘢下話，自己整都好過佢啦，係深水埗食到碟飯啦，返到屋企真係忍唔住開個户口打第一篇食評，人生第一次咁嬲！強烈要求openrice 俾負星！