新明館

營業中

休息中

Weekend嚟到坪洲一日遊， 路經呢呢間充滿日式風格嘅新明館。呢度出名原隻兵庫縣燒蠔, 蠔肉肥厚多汁明太子醬咸香味美，麻辣汁就更加惹味。小食必點熔岩魷魚$58，魷魚外層酥脆魷魚肉爽口彈牙，配上麻辣醬汁，我同朋友都食到一啖接一淡停唔到口。免治雞軟骨肉棒配月見汁$38，免治雞肉串本身已經好夠咪，加埋香滑嘅生蛋黃更上一層樓。吉列蝦吉列蠔茶漬飯$105，呢度嘅炸野香脆程度驚人，吉列皮唔會太油膩，入面嘅蝦同蠔仲保存水份同鮮味，配茶漬飯一流。吉列雞肉熱狗薯條$68，熱狗夾起脆卜卜嘅炸雞加上沙律醬同配菜，絕對係無敵嘅組合。食咗咁多煎炸嘢同辣嘢，飲返杯雄火龍之血$48，沙冰夠細滑，馬上清熱降溫。甜品同樣有特式，lucky兔兔華田脆脆雪糕厚多士$68，多士集鬆脆軟綿於一身，連雪糕同華田一齊入口，口感充滿層次。