祺森冰室

營業中

休息中

難得入到坪洲，當然要試吓人氣必食蝦多士。因為平日去，所以等咗15分鐘左右就入到，聽朋友講假日連買外賣都要等好耐。當日叫咗兩個全日餐，一個蝦多士餐，一個雙拼三文治餐。蝦多士真係好好味，同朋友share一人兩件，真係唔夠喉。蝦多士主要由蝦肉同薯蓉組成，口感外脆內軟，配上沙律醬好開胃，亦都減低左油膩感。至於雙拼三文治，就叫咗火腿蛋，就冇咩特別驚喜，叫做不過不失。飲品方面，叫咗凍檸茶，熱檸水，味道都可以，檸檬茶冇苦澀味。