樂天大喜屋 (已結業)

今日同好姊妹去旺角樂天大喜屋食午市放題，二樓全層都係餐廳範圍，平日午市都可以坐滿九成，睇黎冇揀錯地方。剩係飲品，都包你黎十次都未試得晒，各式汽水、涼茶、啤酒、清酒、梅酒，你諗唔到既都有。自助沙律吧除左沙律菜、蕃茄仔、菠蘿等，仲有冷盤提供，沙律新鮮爽甜，醬汁都有六款任點。冷盤仲有凍蝦同青口，配上檸檬同酸甜汁，清新爽口好開胃。甜品櫃好逾十款選擇，仲好貼心全部都迷你size，咁就可以食多幾款啦。我都忍唔住試左6、7款。意大利芝士蛋糕，入口順滑，仲有淡淡既咖啡味。3.6牛乳布甸，奶味香濃，布甸又夠彈。食完蛋糕唔夠喉，仲有好又多雪糕雪條等緊你架。刺身拼盤，睇到都開心，仲要鋪晒冰排到靚一靚，唔講以為去左日式餐廳。刺身都好新鮮，甜蝦同大赤蝦刺身又爽又彈，赤貝北寄貝非常鮮甜，油甘魚油脂豐富，淡淡既魚鮮味，食多幾件都唔膩。壽司都有好多款式。牛油果軟腳蟹，牛油果軟軟甜甜，配埋炸到脆卜卜既軟腳蟹，睇到都知好味啦。另外仲有香芒赤蝦，芝士蟹腳...全面都好高水準，最驚喜係海膽都非常新鮮甜美，壽司都係偏小size，可以盡情叫多幾款。串燒夠香口，又唔油。沖繩黑糖牛仔肉非常驚喜，肉質柔嫩，肉味香濃。西京燒海黃花，魚身