炙・宴 (The LOHAS康城) (已結業)

康城越開越多新餐廳，終於感覺到多番啲人氣，今日特登入去試試呢間日本餐廳炙・宴，聽講佢嘅豚肉、和牛都幾出名，一於入去試下。入到康城，商場入面有林林總總的食肆，當中日本野都唔少，其中一間炙。宴在不同地方都有分店，大家可以試下呢間，主打宮崎和牛。餐牌上都有好多選擇，亦都有午市優惠套餐，仲可以額外加錢追加小食，都幾抵食。ABURI-EN 豚肉•鰻魚雙拼飯以北海道十勝地區的豚肉丼加以改良，採用豬肉肉眼部份，取其肉質柔軟、油份恰當。每一塊都好大塊就好似手掌一樣咁大，配上佢嘅秘製燒汁真係正。烤鰻魚很正常，肥瘦適中，烤得很好，但鰻魚的醬汁有點普通。月見豬腩肉丼薄切嘅腩肉足料又大塊，十分Juice, 用秘製醬汁醃製之後攞去燒，燒得很香，或者將秘製醬汁撈飯都好好食，味道好濃厚，生蛋黃大大隻，溝落啲飯一齊食都好好味。佢哋用日本珍珠米，粒粒飽滿分明，口感軟腍，份量其實都幾多，整體都算幾好食。沖繩豬肉煎餃5件，份量唔大 但咬落去依然爆汁，真係新鮮煎好上碟。