影片
更多
2022-07-02
442 瀏覽
前陣子同屋企人去康城行，誤打誤撞見到哩間日本餐廳，有飯有拉麵好似幾好咁就試下啦（因為屋企人唔鍾意食魚生，疫情又唔想食火鍋，我地又唔食得辣，中菜有好似好普通，又唔想飲茶….）今次我冇特別影相，因為啲食物賣相同佢菜單/其他人影嘅都差唔多😛我覺得哩間餐廳好乾淨企理，坐卡位三四個人坐係夠闊落好舒服😁😁食物質素其實係比我想像中好，同埋份量足，完全對得住個價錢～我揀左生薑豚肉飯，佢裡頭的豚肉+洋蔥嘅份量比我預期嘅多，飯同餸嘅比例好好，唔會話用白飯填飽你個肚。而啲豚肉唔會好肥，口感好好，又嫩又爽口又入味得來又唔會太鹹/太濃味，非常之唔錯👍🏼屋企人叫左個南蠻炸雞飯同埋和牛烏冬，佢哋都好滿意，食得好開心😋😋 我地冇轉餐加湯同沙律，反而叫左個炸薯仔牛肉餅（可樂餅）同埋一個炸豚肉芋泥餅。兩個炸餅都幾好食，就算放左好耐凍曬，個炸皮都仲係脆脆地㗎😃😃😃總括而言，哩間餐廳係超乎我預期嘅好食，而且價錢都算係咁，響大商場裡面人均百幾蚊食一餐都係合理嘅～ 同埋我地咁啱響佢一開門就幫襯，唔駛等位。我地離開嘅時候出面已經有人排緊隊等位喇😌我依家先知原來佢有好幾間分店，主要都係響大商場裡面，遲啲可以再去其他分店試下😆👍🏼
今次我冇特別影相，因為啲食物賣相同佢菜單/其他人影嘅都差唔多😛我覺得哩間餐廳好乾淨企理，坐卡位三四個人坐係夠闊落好舒服😁😁食物質素其實係比我想像中好，同埋份量足，完全對得住個價錢～
我揀左生薑豚肉飯，佢裡頭的豚肉+洋蔥嘅份量比我預期嘅多，飯同餸嘅比例好好，唔會話用白飯填飽你個肚。而啲豚肉唔會好肥，口感好好，又嫩又爽口又入味得來又唔會太鹹/太濃味，非常之唔錯👍🏼
屋企人叫左個南蠻炸雞飯同埋和牛烏冬，佢哋都好滿意，食得好開心😋😋
我地冇轉餐加湯同沙律，反而叫左個炸薯仔牛肉餅（可樂餅）同埋一個炸豚肉芋泥餅。兩個炸餅都幾好食，就算放左好耐凍曬，個炸皮都仲係脆脆地㗎😃😃😃
總括而言，哩間餐廳係超乎我預期嘅好食，而且價錢都算係咁，響大商場裡面人均百幾蚊食一餐都係合理嘅～ 同埋我地咁啱響佢一開門就幫襯，唔駛等位。我地離開嘅時候出面已經有人排緊隊等位喇😌
我依家先知原來佢有好幾間分店，主要都係響大商場裡面，遲啲可以再去其他分店試下😆👍🏼
張貼