強記美食

《忍唔住食咗先記得要📸影相😅》

由街邊小舖搬入靚靚裝修地舖，對我來講係可以帶年老媽媽👵🏻來，坐得舒服安全，慢慢享受小時候喜歡食嘅豬骨粥，熱辣辣糯米飯，燒賣腸粉，魚蛋魷魚。

其實每次都要掙扎，因為食唔晒腦裏面想食嘅所有嘢，下次一定要食糯米飯😅

之前有綠豆沙沙冰，衣家無咗。希望下年夏天可以再有，真係好好飲！😋

位置近銅鑼灣消防局，往灣仔方向行少少就到，去完銅鑼灣，或者在附近想食少少野，都可以去。除咗粥、腸粉、魚蛋魷魚蘿蔔之類，仲有碗仔翅、生菜魚肉、炒麵、燒賣……好多可以揀😋