hōmu by favilla (已結業)

哩排天氣時晴時雨，帶小朋友去玩真係要兩手準備～愉景新城係一個好去處，又有公園，又有得行街。餐廳又多親子餐廳，真係行得好安心～我哋先食飽個肚，先去玩。玩。玩。🍴煙三文魚芝士意粉 配吉列蠔、金菇肥牛卷：日式便當既意粉餐，份量一啲都唔野少，食到好飽，沙律夠新鮮，啲醬都好食。芝士意粉夠濃郁。吉列蠔脆卜卜。金菇肥牛卷好有牛肉味。🍴兒童餐👧🏻迷你烏冬配炸蝦、芝士竹輪、三色蕃薯條、玉子燒：哇！兒童餐都好豐富呀！有主食之外，仲有小食、沙律同生果等，成個餐都好好食，同好均衡飲食，一啲都唔hea，味道都好味，另外，份量根本比得上大人餐。