影片
更多
2021-05-28
102 瀏覽
邊個話食大排檔一定又熱又污糟㗎🙅🏻♀️？呢間係旺角嘅「女人街食飯公司」，撚手小菜同生猛海鮮一樣咁掂😎，而且仲有冷氣，地方又乾淨企理~嚟呢度就坐得舒服又食得開心啦！唔止㗎！餐廳裝修仲好Old school，加埋啤酒姐姐同侍應裝束🕺🏻，好似置身於舊式熟食市場，連菜式都充滿懷舊感，居然仲食得到蝦多士、焗魚腸、豉油王鵝腸⋯而家呢啲菜式真係賣少見少啦🤗！唔知有冇人都係酒樓見過門口嗰對金光閃閃嘅大龍鳳呢？————————————————👅秘製蔥油雞（半隻$138）👍🏻 本身想試瑤柱招牌走地雞，可惜賣晒就試咗蔥油雞，點知一試愛上😍！半隻份量一啲都唔惹少，雞肉唔會紅又幾嫩滑，有皮仲滑到似啫喱咁，亦都食得出雞味🐔，切蔥絲釋放更香嘅蔥味，間中又食到洋蔥絲嘅嗆辣，不過個豉油先係重點，撈多兩碗「靚仔」都得！👅屋村三鮮（$78）👍🏻 三鮮各自有唔同嘅爽口，雞腎爽脆、生腸爽中帶軟、章魚爽彈🐙，滷水汁用甜豉油同麻油做底，沾一沾更好味，而且一口大細啱啱好，佐酒必點前菜🍺！👅金沙脆鮮魷（$108）👍🏻上枱就feel到煮好熱辣辣，厚身鮮魷裹滿金沙，鹹蛋味好香但無蓋過鮮魷味🦑，而且都唔厚粉，炸皮脆卜卜好似食緊鹹蛋薯片添，J
唔止㗎！餐廳裝修仲好Old school，加埋啤酒姐姐同侍應裝束🕺🏻，好似置身於舊式熟食市場，連菜式都充滿懷舊感，居然仲食得到蝦多士、焗魚腸、豉油王鵝腸⋯而家呢啲菜式真係賣少見少啦🤗！唔知有冇人都係酒樓見過門口嗰對金光閃閃嘅大龍鳳呢？
————————————————
👅秘製蔥油雞（半隻$138）
👍🏻 本身想試瑤柱招牌走地雞，可惜賣晒就試咗蔥油雞，點知一試愛上😍！半隻份量一啲都唔惹少，雞肉唔會紅又幾嫩滑，有皮仲滑到似啫喱咁，亦都食得出雞味🐔，切蔥絲釋放更香嘅蔥味，間中又食到洋蔥絲嘅嗆辣，不過個豉油先係重點，撈多兩碗「靚仔」都得！
秘製蔥油雞
12 瀏覽
0 讚好
0 留言
👅屋村三鮮（$78）
👍🏻 三鮮各自有唔同嘅爽口，雞腎爽脆、生腸爽中帶軟、章魚爽彈🐙，滷水汁用甜豉油同麻油做底，沾一沾更好味，而且一口大細啱啱好，佐酒必點前菜🍺！
屋村三鮮
12 瀏覽
0 讚好
0 留言
👅金沙脆鮮魷（$108）
👍🏻上枱就feel到煮好熱辣辣，厚身鮮魷裹滿金沙，鹹蛋味好香但無蓋過鮮魷味🦑，而且都唔厚粉，炸皮脆卜卜好似食緊鹹蛋薯片添，J生今晚嘅最愛~
👅六叔煎蠔餅（$98）
👍🏻蠔餅邊炸到脆卜卜，每塊蠔餅都食到滑捋捋嘅蠔肉，留意沾汁比較鹹，沾少少就夠啦
.
👅朝日大樽裝（$30）
👍🏻食大排檔就要係要好man咁用碗飲啤酒㗎嘛！仲要係公雞碗添！飲勝🍻！
👅絲苗白飯（$12）
————————————————
🚩總結：原來食大排檔都可以咁舒服衛生！
————————————————
🌟注意：雖然樣樣都好吸引，唔好學我哋眼闊肚窄叫咁多嘢食呀😆
————————————————
📍 女人街食飯公司
地址：旺角通菜街1A-1L威達商業大廈1樓B室
張貼
