嚐館 (已結業)

Cityfresh Bistro黃大仙竹園道136號黃大仙中心南館地下高層UG41號舖今日去左黃大仙做野，做完都已經7點，由於太肚餓既關係，所以決定係附近搵野食。餐廳位於黃大仙中心南館，平時好少會過黎黃大仙食飯，無想過原來黃大仙南館內都有各式各樣既餐廳，今日就試下呢間中式同西式都兼備既餐廳。餐廳環境光猛，而且位置都好闊落同鬆動。餐牌有勁多選擇，包括中餐同西餐都有，真係令人眼花撩亂、心大心細啊！千島夏威夷薄餅新鮮焗起，眼見勁多芝士！岩晒芝士迷既我，芝士重要包住好多火腿、腸仔同埋菠蘿，材料勁多，級對無偷功減料，size都幾大架！芝士白汁海鮮焗飯又係有我至愛既芝士面，好多白汁，而且白汁味好濃郁，海鮮包括有青口、蝦、魷魚同蜆肉，性價比極高，芝士同白汁簡直絕配，重要完全唔漏！美式黃金炸魚併薯條睇個menu以為好細份，點知上菜既時候先嚇親，原來份量好多，薯條面頭重要有我最愛既紫菜粉，薯條炸到脆卜卜，炸魚細細粒好易入口，熱辣辣好好味，雖然好飽，但我地都依然停唔到口。