更多
2025-07-17
0 瀏覽
平日收工最好都會去番屋企附近食。位於觀塘嘅Non Kitchen,表面上係工廠區嘅西餐廳,實際上行到入去,佢枱同枱嘅間距好闊,好似高級餐廳咁。另外佢嘅氣氛好好,播住啲好柔和嘅音樂,並唔係一般工廠餐廳。另外佢仲做緊啲優惠,包括$498就有嘅二人餐,另外仲可以加$9有一碟青口,抵上加抵。$498嘅二人餐,已經包咗兩個沙律、兩個餐湯、兩個主食、兩個甜品同兩杯飲品。比較特別嘅係,通常要另外加錢嘅炭燒牛西冷喺呢度都唔需要加錢。沙律同餐湯正正常常。沙律係可以揀廚師沙律或者凱撒沙律。紐西蘭西冷牛扒果然係有埋炭燒味!今次嘅要求係medium rare,呢度亦都做得準確。牛味同脂肪油感嘅比例均衡,八安士嘅大小比預期中大份。西班牙風乾火腿卡邦尼手工闊蛋麵個名好長😅,不過西班牙風乾火腿係有啲特別,油份會比Parma ham重。卡邦尼嘅味道好重,洋蔥亦都做咗一定嘅調味作用。Tiramisu餐已經包咗嘅甜品。酒味唔算特別突出,不過芝士同忌廉嘅味道好香,咖啡味亦都足夠,最緊要唔會一pat嘅質感。心太軟 (餐+$39)結果呢度甜品成為咗food of the day。非常香嘅朱古力味,未嚟到已經香噴噴。朱古力味好濃
位於觀塘嘅Non Kitchen,表面上係工廠區嘅西餐廳,實際上行到入去,佢枱同枱嘅間距好闊,好似高級餐廳咁。另外佢嘅氣氛好好,播住啲好柔和嘅音樂,並唔係一般工廠餐廳。
另外佢仲做緊啲優惠,包括$498就有嘅二人餐,另外仲可以加$9有一碟青口,抵上加抵。
$498嘅二人餐,已經包咗兩個沙律、兩個餐湯、兩個主食、兩個甜品同兩杯飲品。比較特別嘅係,通常要另外加錢嘅炭燒牛西冷喺呢度都唔需要加錢。
沙律同餐湯正正常常。沙律係可以揀廚師沙律或者凱撒沙律。
紐西蘭西冷牛扒
果然係有埋炭燒味!今次嘅要求係medium rare,呢度亦都做得準確。牛味同脂肪油感嘅比例均衡,八安士嘅大小比預期中大份。
西班牙風乾火腿卡邦尼手工闊蛋麵
個名好長😅,不過西班牙風乾火腿係有啲特別,油份會比Parma ham重。卡邦尼嘅味道好重,洋蔥亦都做咗一定嘅調味作用。
Tiramisu
餐已經包咗嘅甜品。酒味唔算特別突出,不過芝士同忌廉嘅味道好香,咖啡味亦都足夠,最緊要唔會一pat嘅質感。
心太軟 (餐+$39)
結果呢度甜品成為咗food of the day。非常香嘅朱古力味,未嚟到已經香噴噴。朱古力味好濃厚,心太軟嘅流心亦做得到位。要注意嘅係雪糕溶得幾快😆。
青口(餐+$9)
$9到底係咩玩意?唔好睇小佢,個青口無論係蕃茄同辣味亦都做得好平衡,青口凍凍地好開胃,亦都新鮮。
咖啡或茶
呢度嘅黑咖啡質素幾好,起碼唔係用普通咖啡機沖出嚟。
呢度環境闊落舒適,二人餐抵食,份量足,再加上特惠小食,難怪咁多人嚟食!
張貼