Terrace in seaside (MOKO新世紀廣場)

營業中

休息中

坐得唔舒服，特別係中間圍住柱嗰個d位，坐落去好奇怪嘅感覺。D職員無咩精神表情，帶位落單都唔會出聲，之後放碟野食落枱嗰時又無出聲，我咁岩唔係望住佢放野食嗰邊，佢照放碟嘢食落枱，我望返過去嘅時候就多咗碟嘢食，真係嚇一嚇。之後有杯嘢飲送錯左我地枱，同佢講完佢就咁拎走咗，又係咩聲都冇出。最後埋單多餐碟意粉喺我哋張單，唔好意思又冇講聲，一路黑著面同我哋改返張單，跟住再收錢。野食方面，主食叫左燉牛肋骨飯，賣相似茶餐廳菜式，雖然味道還好。甜品叫咗個brownie配雪糕，呢個賣相ok，但甜到食一啖就要飲幾啖水，最後一半都食唔晒。