牛角日本燒肉專門店 (荃新天地2)

營業中

休息中

星期六放工，相約朋友係荃灣行街。唔知點解今個星期六，周圍食野都要等位，淨係路德圍幾間麵店，全部都要排隊所以行行下，最後揀左牛角解決午餐。我地冇叫燒肉食，點左三樣食物，朋友最喜歡嘅牛角冷麵，仲有牛角沙律、海鮮煎餅。海鮮煎餅好似燒章魚小丸子嘅味，食落口只有麵漿嘅感覺，有少少章魚係入面，不過好細粒，所以覺得一般好食之後有牛角沙律，其實我喜歡食沙律，不過明顯呢款沙律唔係我杯茶 沙律菜唔好食，個汁太咸，個薯仔沙律有陣怪味。蛋、蕃茄、粟米最正常牛角冷麵最好食，食法有啲似韓國嘅水冷麵，有醋同黃芥末混合嚟食。不過如果唔加，味道都好好，清淡啲。麵條彈牙，湯汁清清淡淡，好啱夏天或天氣熱時食總結，牛角冷麵可以再食，但其他兩樣就一般，下次都係食燒肉算啦。