Mango Mania (已結業)

今日真係天氣好熱...香港好似越來越熱，本身坐叮叮都OK，但坐完後一落車，女友話想睇下海，去左渡輪碼頭，可能我新界仔，第一次先知原來有船可以由北角坐去紅磡，有機會可以試試。不過行左一陣已經出晒汗。我頂唔順要在附近食番D糖水。本身見到間中式糖水，但感覺好似唔夠涼快，最後就試左呢間。女友同我都勁鍾意食芒果，無辦法叫左個咩都有的同沙冰。超級芒果狂熱有芒果雪糕 ＋ 椰汁糯米飯 ＋芒果布丁 ＋ 芒果個雪糕透心涼，椰汁糯米飯就有少少暖的感覺。各樣都好好味，果然芒果真係一個夏天必食的生果。佢仲提供左兩個汁，加入糯米飯食有不同的感覺。不過未夠好涼快。有少少美中不足，如果芒果係冰凍的就更正。芒果冰磚個人大大大大力推薦，選呢個無得輸，呢個其實係女友選的。真係好正。一來芒果勁大粒，鍾意一口咬晒又得，而且佢下面有很多沙冰，本來的芒果唔係好凍，但因為下面充滿沙冰，所以令芒果變得更凍，超正而且有一樣一定要提提，佢個沙冰唔係由水制成，佢有淡淡的淡奶的味，唔會太重味，但又食落好舒服，而且佢仲有煉奶可以加入去，真係好好味，我超愛食煉奶，個人大力推薦AGAIN