影片
更多
2017-12-29
590 瀏覽
呢間"葡點"一定要介紹返，午餐無論價錢，賣相及味道， 都係屬於高性價比（個人愚見）今早取得“行街紙”, 同朋友 morning car drive，巡例都要對返身邊人好些既。午餐圖中呢個 "咖哩豬扒意粉"，只係收$45，同部份茶餐廳差不多價，甚至仲平過部份茶記，但賣相一流，而且仲內藏三塊豬扒，好夠食。（你地睇下張餐牌，乾牛河都係$39連飲品，午餐喎!!!）而我就食左另一幅圖，“皇牌特餐” 葡式乳豬併蔥油飯，賣相又係唔錯（以呢個價錢計），仲有一堆沙律菜，食呢個皇牌特餐最大的心靈滿足係，加$4就可以轉特飲，我就選左+$4 轉龍鳳檸樂，可樂係原罐上的。呢度另一個好處係，星期六中午繁忙時間唔太需要等位的，夠膽的仲可以泊架車係對面望住來食，減少食食下贈送牛肉乾的機會。食完仲可以輕鬆行埋附近百佳及759，買埋家居生活用品先上返車又得。住得元朗，都想生活步伐可以放輕鬆點，如果星期六日放假都要排大隊食野，又或者攪一輪都泊唔到車，甚至係教育路大馬路，綠燈都郁唔到車，會很躁底的。 係，從佢既裝修, 設備, 員工, 我強烈估佢係美心集團附屬的，轉個樣執靚 D 就賣貴少少既，但對於貧窮的我，咁既價錢有得俾我扮
今早取得“行街紙”, 同朋友 morning car drive，巡例都要對返身邊人好些既。
午餐圖中呢個 "咖哩豬扒意粉"，只係收$45，同部份茶餐廳差不多價，甚至仲平過部份茶記，
但賣相一流，而且仲內藏三塊豬扒，好夠食。（你地睇下張餐牌，乾牛河都係$39連飲品，午餐喎!!!）
而我就食左另一幅圖，“皇牌特餐” 葡式乳豬併蔥油飯，賣相又係唔錯（以呢個價錢計），仲有一堆沙律菜，
食呢個皇牌特餐最大的心靈滿足係，加$4就可以轉特飲，我就選左+$4 轉龍鳳檸樂，可樂係原罐上的。
呢度另一個好處係，星期六中午繁忙時間唔太需要等位的，夠膽的仲可以泊架車係對面望住來食，減少食食下贈送牛肉乾的機會。食完仲可以輕鬆行埋附近百佳及759，買埋家居生活用品先上返車又得。
住得元朗，都想生活步伐可以放輕鬆點，如果星期六日放假都要排大隊食野，又或者攪一輪都泊唔到車，甚至係教育路大馬路，綠燈都郁唔到車，會很躁底的。
係，從佢既裝修, 設備, 員工, 我強烈估佢係美心集團附屬的，轉個樣執靚 D 就賣貴少少既，
但對於貧窮的我，咁既價錢有得俾我扮下高檔，很滿足了。
張貼
